Luuk 1:6 - EBƆRƐ BE KAWƆL

⁶ Bumo benyɔ kikɛ daa bɛ Enyɛnpe be mbraana na nɛ mbe asheŋ ŋinisoana na kikɛ so nna nɛnɛ a maa foe ekpa kikɛ nsaa wɔ kebaawɔtɔ cheembi nɛ k bee par Ebɔrɛ to.

Luuk 1:6 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

Jɛnesis 7:1

Ndoŋ nna nɛ Enyɛnpe na kaŋɛ Nowa le: “Fo nɛ fo kanaŋ kikɛ e luri kuloŋgboŋ na to, ŋkpal manɛ so, n wu fanɛ fo jemanɛ ere so ebi to fo e la esa nɛ e niŋi ma anishito.

1 Bewura 15:5

Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

2 Kronikɛls 17:4

E daŋ shuŋ mo tuto be Ebɔrɛ nseŋ bɛ Ebɔrɛ be mbra so, a maŋ wora kananɛ Israɛl be bewuraana daŋ wora na.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Job be kawɔl 9:2

“Kashenteŋ nɛ fo ji. Dimɛdi kikɛ maaŋ tiŋ n ji n lar Ebɔrɛ be anishito.

Nshɛ 119:6

M maaŋ ji anishinyɔr jemanɛ nɛ meeŋ baa bɛ fo mbraana so na.

Luuk 1:7

Ama b daa maŋ kɔ mbia, ŋkpal manɛ so, Elizabɛt daa la egbentepo nna, mo alɛ nɛ mo kul Zakareya kikɛ daŋ bel nna.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Ashuŋ Shunso 2:25

Ŋkpal manɛ so le nɛ Deevid daŋ malga mbe asheŋ ŋ kaŋɛ: ‘Mee wu Enyɛnpe saŋkama ma anishito, ŋkpal manɛ so, e wɔ ma kutɔ nna a chɛ ma to nɛ basa e sa maŋ tiŋ n tɔrɔ ma.

Ashuŋ Shunso 23:1

Nɛ Pɔɔl keni nshɛrwuraana na diimbi nseŋ kaŋɛ: “Ŋ kurgepoana, hale kabre ma kagbene to maa wora ma shikashika Ebɔrɛ be anishito fanɛ m maŋ kɔ kebaawɔtɔ cheembi.”

Ashuŋ Shunso 24:16

Amoso, saŋkama mee wora ania nna nɛ m baa kɔ kagbene koŋwule nɛ k maa wora ma shikashika ashi ma nɛ Ebɔrɛ nɛ nyiŋgbasa be kebaawɔtɔ to.

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.

Romebi 8:4

Ebɔrɛ wora loŋ nna nɛ alelasheŋ nɛ mbra na bee sha na e nya n wora anyi to nɛnɛ ashi anyi nɛ an maŋ naa wɔ alubi be eyur be kebaawɔtɔ to nsaa wɔ Kiyoyu na be kebaawɔtɔ to na to.

1 Kɔrintebi 11:2

Saŋkikɛ mee chɔrɔ menyi nna ŋkpal men ka bee nyiŋi ma kusɔ kama to nɛ kananɛ men baa kɔ keŋini mo nɛ n ta n sa menyi na to so.

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.

Filipaiebi 2:15

Saŋɛ na so esa kama maaŋ wu kulubi kikɛ menyi so, ama menyeeŋ baa du cheembi a la Ebɔrɛ be mbia lela nɛ b wea nfɛralubiwuraana nɛ asheŋlubiwuraana to a wɔ durnya ere to. Men baa wɔ bumo to loŋ a du fanɛ achɛkpabi a fuli to a nyɛkpɛ a sa bumo,

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

1 Jɔn 2:29

Menyi alɛ gba baa nyi Kristo na ka niŋi kusɔ kikɛ to. Kumo ere a daga fanɛ men baa nyi fanɛ esa kama nɛ e bee wora asɔ nɛ a niŋi la Ebɔrɛ pibi nna na.

1 Jɔn 2:3

Nɛ an baa bɛ Ebɔrɛ be mmalga naseso so bre, kumo ere an baa nyi geeŋ fanɛ an nyi mo.

1 Jɔn 3:7

Ma mbi shasoana, men sa maŋ shin nɛ esa kikɛ e shin nɛ men foe ekpa. Ekama nɛ e bee wora asheŋ nɛ a niŋi la esa niŋiso nna ashi Ebɔrɛ be anishito fanɛ kananɛ Kristo niŋi na.