Luuk 1:51 - EBƆRƐ BE KAWƆL

⁵¹ E teŋi mbe enɔgboŋ to n jija kamoowuwuraana be ejina kikɛ n lɛ.

Luuk 1:51 ပူးပေါင်းရင်းမြစ်များ

Jɛnesis 11:8

Loŋ nɛ Enyɛnpe Ebɔrɛ na daŋ wora n shin nɛ b pesaŋ to n sɔ kasawule so kikɛ nseŋ yige kadegboŋ na nɛ ketempreŋ jeŋgreŋ nɛ b daa pɔr na be kepɔr.

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Nshɛ 118:15

Ebɔrɛ be basa bee chena bumo be elaŋana to nna a boŋ kekɔmpɔɔso be nshɛ awɔrso a kaŋɛ: “Enyɛnpe Ebɔrɛ na be eleŋgboŋ na e wora asheŋgboŋ!

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Nshɛ 52:9

Ŋkpal kusɔ nɛ fo wora so meeŋ baa fur fo saŋkikɛ. Ŋ kɔ tama ashi fo ketre to, ŋkpal manɛ so, fo ketre walɛ. Amoso meeŋ baa fur fo ashi fo basa cheembi be anishito.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Nshɛ 89:10

Fo e daŋ to m pɛ teku to be kusɔbɔya lubi gboŋgboŋi nɛ baa tre Reehab na to kpakpa nseŋ mɔ kumo na. Fo gbagba be eleŋgboŋ nɛ fo ta m pɔɔ fo doŋana so, nseŋ shin nɛ b pesaŋ to n sɔ kaplɛkama.

Nshɛ 89:13

Fo shibi nsaa kɔ eleŋ pasaa!

Nshɛ 98:1

Men boŋ kashɛ popɔr n sa Enyɛnpe Ebɔrɛ na! Mo e ta mbe enɔ lempo cheembi na n wora emamachisheŋ ŋ kɔ m pɔɔ so na.

Ɛksodɔs 18:11

Ijiptebi na fɛl menyi Israɛlebi n chɛr. Naniere nɛ m pin fanɛ Enyɛnpe Ebɔrɛ kɔ eleŋ a chɔ agbirana kikɛ, ŋkpal kusɔ nɛ e wora basa na so.”

Aizaaya 40:10

Enyɛnpetale Ebɔrɛ na kɔ eleŋgboŋ a ba nɛ e ba ji kuwura basa so eleŋso. E keta basa nɛ e kɔ m mɔlga bumo na nna a ba, nɛ kumo be loŋ fuli mbe kagbene.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Aizaaya 52:10

Enyɛnpe Ebɔrɛ na beeŋ ta mbe eleŋgboŋ m mɔlga mbe basa ashi bumo doŋana be enɔ to, saŋɛ na so durnya to ebi kikɛ beeŋ wu kumo.

Aizaaya 63:12

Nnɛ nɛ Enyɛnpe Ebɔrɛ nɛ e bɔla Mosis so n ta mbe eleŋ n wora asheŋgboŋ n shin nɛ teku peper barga to anyɔ nɛ ekpa dese kumo to nɛ mbe ketre dii mbaanaayɔ na wɔ?”

Jɛremaya 49:15

Enyɛnpe Ebɔrɛ na malɛ beeŋ shin nɛ men ki basa pɔso nɛ esa kama maaŋ naa sa menyi bunyaŋ.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.

Kelaraŋŋini 18:8

Ŋkpal loŋ so, mbe etɔrɔ kikɛ beeŋ tu mo kachɛ koŋwule. A beeŋ baa la luwu nɛ kushu nɛ akoŋ. Edɛ beeŋ ji mo, ŋkpal manɛ so, Enyɛnpe Ebɔrɛ nɛ e bee ji mo demu na la elempo nna.”