Luuk 1:48 - EBƆRƐ BE KAWƆL

⁴⁸ ŋkpal e ka wu ma alɛ ebɔlpo, mbe kenya kuwɔr so. Yili kabre mbaanaayɔ basa kikɛ beeŋ kaŋɛ fanɛ n nya nɛfa,

Luuk 1:48 ပူးပေါင်းရင်းမြစ်များ

Jɛnesis 30:13

Nɛ Lia kaŋɛ: “Ma kagbene fuli ma paa. Kede to bre, nfe be beche kikɛ beeŋ fara a tre ma kagbenefuliwura.” Amoso ketre nɛ e sa kebia na e la Ashɛr.

2 Samuɛl 7:8

Amoso kaŋɛ ma kayɛrbi Deevid fanɛ ma Enyɛnpetale Ebɔrɛ na e naa kaŋɛ mo ere, Deevid fanɛ n lara fo ashi mbolpɔkpapo be kushuŋ to nna nseŋ ta fo ŋ ki ma basa Israɛlebi be ejuŋkparpo.

Nshɛ 102:17

E beeŋ wu betentaŋasepo kuwɔr nseŋ nu bumo be kabɔrɛkule.

Nshɛ 136:23

Jemanɛ nɛ bedoŋ daŋ kɔ m pɔɔ anyi so na nɛ an daa wɔ etɔrɔ to na, e daa maŋ teŋ anyi so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Malakai 3:12

Nɛ efuli kama so ebi e malga kananɛ n nɛfa menyi be asheŋ ŋkpal men be kasawule ka beeŋ baa la kakpa nɛ k daga kechena so.

Luuk 1:28

Le nɛ malaika na daŋ ba kaŋɛ mo: “Kumulelawura, fo kechɔrɔ nde. Ebɔrɛ yɛ e wɔ fo kutɔ.”

Luuk 1:42

Nɛ e malga eleŋso ŋ kooba ŋ kaŋɛ: “Kumulelawura, beche kikɛ to fo e nya nɛfa ga. Nɛfa malɛ e baa la kebia nɛ feeŋ kurge na peya.

Luuk 1:45

Fo ka yirda fanɛ Ebɔrɛ be kubɔya nɛ e bar fo na beeŋ bɔla ekpa na so so nɛ e nɛfa fo kagbenefuliso nna.”

Luuk 1:49

ŋkpal asɔgboŋ nɛ Enyɛnpetale Ebɔrɛ wora n sa ma ere so.

Luuk 11:27

Yesu ka malga kesheŋ ere nɛ jimaŋ na to be kache ko kaŋɛ mo: “Kache nɛ e kurge fo nɛ fo nyipo mo n daŋ ere nu ebel bre.”

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”

1 Samuɛl 2:8

Fo e naa pulgi betirpo ashi shishɛr to nsaa lara betentaŋasepo ashi bumo be awurfoŋ to; Nsaa ta bumo a yili bewurbi be eyilikpa, ashi ewura be laŋ to be bunyaŋ be kakpa na. Fo Enyɛnpe e wora durnya ere be gbaltɔlase, nseŋ pɔr durnya n yili kumo so.