Luuk 1:42 - EBƆRƐ BE KAWƆL

⁴² Nɛ e malga eleŋso ŋ kooba ŋ kaŋɛ: “Kumulelawura, beche kikɛ to fo e nya nɛfa ga. Nɛfa malɛ e baa la kebia nɛ feeŋ kurge na peya.

Luuk 1:42 ပူးပေါင်းရင်းမြစ်များ

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Nshɛ 21:6

Kashenteŋto, fo sa mo nɛfa mbaanaayɔ; fo nɛ mo be kebaala na malɛ bee fuli mo kagbene nna.

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Luuk 1:28

Le nɛ malaika na daŋ ba kaŋɛ mo: “Kumulelawura, fo kechɔrɔ nde. Ebɔrɛ yɛ e wɔ fo kutɔ.”

Luuk 1:41

Elizabɛt ka nu Mɛɛri be kechɔrɔ na nɛ mbe kebia na kilgi mbe epun to nɛ Kiyoyu Cheeŋ na bɔlɔ Elizabɛt to kikɛ.

Luuk 1:43

Manɛ e ba nɛ le be kesheŋ gboŋ ba ma alɛ so le nɛ n Nyɛnpe mo nio e ba nɛ e ba chɔrɔ ma.

Luuk 1:48

ŋkpal e ka wu ma alɛ ebɔlpo, mbe kenya kuwɔr so. Yili kabre mbaanaayɔ basa kikɛ beeŋ kaŋɛ fanɛ n nya nɛfa,

Luuk 19:38

Le nɛ b daŋ kaŋɛ: “Nɛfa la Ewura nɛ e shi Enyɛnpe be ketre to a ba na peya nna. Kagbenewushi e baa wɔ ebɔrɛso nɛ kemaŋkura e baa la Enyɛnpetale peya.”

Romebi 9:5

B shi benananyɛngboŋana na be kanaŋ to nna. Dimɛdi malɛ be kaplɛa so Kristo na shi bumo to nna. Epaŋ be kedi e baa la Ebɔrɛ nɛ e chɔ kusɔ kama kuwura na peya. Amɛn.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Demujipoana 5:24

Beche kikɛ to, Hɛba be eche Jaɛl e la kumulelawura; beche nɛ b wɔ ewajɛbu to kikɛ to, mo e la esa nɛ e nya nɛfa ga.