Luuk 1:18 - EBƆRƐ BE KAWƆL

¹⁸ Nɛ Zakareya kaŋɛ malaika na: “Ma nɛ ma eche kikɛ bel, nɛ nuso nɛ meeŋ wora m pin fanɛ k la kashenteŋ nna?”

Luuk 1:18 ပူးပေါင်းရင်းမြစ်များ

Jɛnesis 15:8

Ndoŋ nna nɛ Eebram kaŋɛ: “Enyɛnpetale lela, manɛ e naaŋ baa la tɔɔnɛ fanɛ kasawule ere beeŋ baa la meya?”

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 18:12

Nɛ Sɛɛra mushe nseŋ kaŋɛ mbe kagbene to le: “Kananɛ m bel ŋ ki ere, kanyɛndi beeŋ naaŋ yɛlga ma bre a? Kumo be kaman, ŋ kul malɛ gba bel.”

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

Aizaaya 38:22

Kumo be kaman nɛ ewura Hɛzekaya bishi le: “Manɛ e naaŋ ŋini fanɛ meeŋ naaŋ tiŋ n yɔ Enyɛnpe Ebɔrɛ be bɔrɛlambu to n ya shuŋ mo?”

Luuk 1:34

Nɛ Mɛɛri bishi malaika na: “M maŋ nyi enyɛn nɛ nuso nɛ le be kusɔ beeŋ tiŋ n wora?”

Luuk 1:7

Ama b daa maŋ kɔ mbia, ŋkpal manɛ so, Elizabɛt daa la egbentepo nna, mo alɛ nɛ mo kul Zakareya kikɛ daŋ bel nna.

Romebi 4:19

Mo ere Eebraham na daŋ fo fanɛ nfɛ kalfa, ama e ka daŋ keni mo gbagba be eyur ka daa maŋ naa kɔ eleŋ so, mbe yirda be eleŋ daa maŋ yɔɔ. Mo alɛ ka daŋ naŋ wu fanɛ mbe eche Sɛɛra be kakurge be saŋɛ baŋ so, mbe yirda na be eleŋ maŋ yɔɔ.