Luuk 1:17 - EBƆRƐ BE KAWƆL

¹⁷ E beeŋ ba kaa la kenya nɛ e beeŋ juŋkpar Enyɛnpe na a kɔ eleŋ nɛ Kiyoyu Cheeŋ nɛ anebi Elaija daŋ nya na. E beeŋ bar betuto nɛ bibi abar so n shin nɛ amukpakpasowuraana e fara a fɛ basa cheembi be nfɛra. E beeŋ chala basa n sa Enyɛnpe n shin nɛ b bela ase a jo mo.”

Luuk 1:17 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 18:18

Nɛ anebi Elaija malɛ kaŋɛ le: “M maŋ la esa nɛ mee ku asheŋ. Fo nɛ fo tuto e naa ku asheŋ, nseŋ kini kebaanu a sa Enyɛnpe Ebɔrɛ nsaa shuŋ Baal be kegbir na.

1 Bewura 21:20

Ewura Ahab ka wu Elaija nɛ e kaŋɛ le: “Ma doŋ, fo wu ma a?” Nɛ anebi Elaija malɛ kaŋɛ le: “Mm, n wu fo. Fo kebaawɔtɔ to kikɛ fee wora alubi nna a gbiti Enyɛnpe Ebɔrɛ na.

2 Bewura 1:16

n ya kaŋɛ mo le: “Yiramu! Enyɛnpetale Ebɔrɛ yɛ, Israɛl ka maŋ kɔ Ebɔrɛ so nɛ fo shuŋi mbɔ Baalzebɔb be kegbir nɛ k wɔ Ekrɔn na to fanɛ b ya bishiso a? Ŋkpal fo ka wora le ere so, fo maa ba nɛ fo nya alenfia kikɛ. Feeŋ wu!”

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

2 Kronikɛls 29:36

Ewura Hɛzekaya nɛ basa na kikɛ be ŋgbene daŋ fuli bumo nna ŋkpal Ebɔrɛ ka chɛ bumo to nɛ b wora loŋ be asheŋ na manaŋ manaŋ so.

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Aizaaya 29:24

Kumo be kaman nɛ basa nɛ b maa pin asheŋ to na e fara a pin asheŋ to, nɛ bumo nɛ baa munto a bile asheŋ malɛ e sɔ ma keŋini kagbenefuliso.”

Eemɔs 4:12

Amoso meeŋ gberge menyi Israɛlebi kusoe. Men wora shiriya a jo ma demuji.

Matiu 11:14

Nɛ menyi alɛ gba baa sha keyirda, men baa nyi fanɛ Jɔn e la anebi Elaija na, mo alɛ be keba be asheŋ nɛ b daŋ wu ŋ kaŋɛ na.

Matiu 14:4

Le nɛ Jɔn kabɔrɛbɛrpo daa kaŋɛ Hɛrɔd: “K maŋ daga fo ka ta fo sipo Filip be eche.”

Matiu 3:3

Jɔn be asheŋ nɛ anebi Aizaaya daŋ malga saŋɛ nɛ e daŋ kaŋɛ le na: “Esa ko bee ponte kiyi to a kaŋɛ le: ‘Men lɔŋɛ Enyɛnpe be ekpa niŋiso n sa mo nɛ e bɔla so.’ ”

Matiu 3:4

Nyɔma be afuibi be kusɔbuuso nɛ Jɔn daŋ buu ŋ kre kawɔl be kreso kashɛr to. Elotɔr nɛ mushoŋ nɛ e daa ji.

Luuk 1:16

E beeŋ shin nɛ Israɛlebi be bedamta e kilgi m ba Enyɛnpe bumo be Ebɔrɛ kutɔ.

Luuk 1:76

Fo, m pibi, baaŋ tre fo Ebɔrɛ Enyɛnpetale be anebi. Feeŋ juŋkpar mo, Enyɛnpe na, n lɔŋɛ mbe ekpa n sa mo

Baru lela nɛ Jɔn kute na 1:13

Mannɛ durnya ere to be ekpa so ŋko dimɛdi be eyur be kayɛlga be ekpa so ŋko kusɔ nɛ esa yili na so nɛ b bɔla ŋ ki Ebɔrɛ be mbia. Ebɔrɛ gbagba be katinto be kesheŋ nna.

Baru lela nɛ Jɔn kute na 1:34

Ma alɛ wu nsaa ji shɛda fanɛ mo e la Ebɔrɛ Pibinyɛn na.”

Baru lela nɛ Jɔn kute na 3:28

Menyi alɛ gba beeŋ tiŋ n ji shɛda ŋ kaŋɛ fanɛ ŋ ka daŋ kaŋɛ fanɛ: ‘Mannɛ ma e la Mesaya na, ama b shuŋi ma nna fanɛ n juŋkpar mo m ba.’

Ashuŋ Shunso 10:33

Kumo so nɛ n shuŋi epul na to fanɛ b ya tre fo nɛ fo alɛ shuli m ba na. Ebɔrɛ malɛ be anishito nɛ anyi kikɛ tase nfe a jo kusɔ kama nɛ Enyɛnpe na kɔ a sha nɛ fo kaŋɛ anyi na.”

Romebi 9:23

Mo alɛ daa sha nna nɛ basa e wu mbe kemaŋkuragboŋ nɛ e shin nɛ k ba anyi nɛ mbe kuwɔr na chɛr a ba anyi so so nna. Anyi nɛ e bela ase n yili nɛ an nya mbe kemaŋkura na.

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

2 Timoti 2:21

To, esa kama malɛ nɛ e lara mbe kumu ashi asheŋ jiga to, kumo ere e beeŋ baa la esa nɛ Enyɛnpe na bee lara nna nɛ e shuŋ kenishipereso be ashuŋ. Amodoŋwura mo Nyɛnpe beeŋ baa fute a yige mo so nseŋ ta kushuŋ lela kikɛ m bɔɔ mo enɔ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Jɔn 2:28

To, naniere ma mbi shasoana, men baa kraa wɔ mo to, saŋɛ na so, e kaŋ ba, anyi maaŋ baa shika to kikɛ, anyi alɛ maaŋ naŋ ji anishinyɔr mbe anishito ŋkpal menyi so.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.

1 Samuɛl 7:5

Ndoŋ nna nɛ Samuɛl kaŋɛ le: “Men tre Israɛlebi na kikɛ nɛ b ba shɛr Mizpa nɛ ŋ kule Enyɛnpe Ebɔrɛ na n sa menyi.”