Luuk 1:16 - EBƆRƐ BE KAWƆL

¹⁶ E beeŋ shin nɛ Israɛlebi be bedamta e kilgi m ba Enyɛnpe bumo be Ebɔrɛ kutɔ.

Luuk 1:16 ပူးပေါင်းရင်းမြစ်များ

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Matiu 21:32

Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”

Luuk 1:76

Fo, m pibi, baaŋ tre fo Ebɔrɛ Enyɛnpetale be anebi. Feeŋ juŋkpar mo, Enyɛnpe na, n lɔŋɛ mbe ekpa n sa mo

Luuk 3:3

Nɛ e yɔ Jɔɔdan be lɔr be kasawule so be ndeana kikɛ to n ya kaa bɔ le be kubɔya: “Men lar men be alubi to nɛ b bɛr menyi kabɔrɛbɛr nɛ Ebɔrɛ e ta men be alubi m paŋ menyi.”