Luuk 1:15 - EBƆRƐ BE KAWƆL

¹⁵ Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Luuk 1:15 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 48:19

Ndoŋ nna nɛ mo tuto kini nseŋ kaŋɛ: “N nyi, m pibi n nyi. Mo alɛ gba beeŋ ki basa ko be kumuwura, mo alɛ gba beeŋ ba ki esagboŋ, ama mo sipo e naaŋ ba kaa chɔ mo eleŋ nɛ mbe kanaŋ to ebi e ba ki efuli damtaana be basa.”

1 Kronikɛls 17:8

Kaplɛkama nɛ fo daŋ yɔ, ma nɛ fo nna. Nɛ ma alɛ bee pɔɔ fo doŋana kikɛ so a sa fo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ fo alɛ gba be ketre e dii.

1 Kronikɛls 29:12

Fo e naa sa basa kedamaya nɛ eleŋ nɛ kemaŋkura. Fo gbagba be eleŋ nɛ yuku so nɛ fee ji kusɔ kama so kuwura.

Nshɛ 22:9

Ŋkeshin nɛ fo e shin nɛ b kurge ma. Fo e keni ma so saŋɛ so nɛ n la kebi nyiposo gba na.

Jɛremaya 1:5

“Jɛremaya, pɔɛŋ nɛ n to fo n wɔtɔ fo nio be epun to nɛ e kurge fo, n lara fo nna n yili fanɛ ma anebi n sa efuliana so be basa.”

Jɛremaya 35:6

Ama le nɛ b daŋ kaŋɛ: “Anyi maa nuu yabra. An nananyɛn Jonadab nɛ e daa la Rekab pibinyɛn na daŋ kaŋɛ anyi fanɛ, anyi ŋko anyi be kaman to ebi be esa kama maŋ daga fanɛ e nuu yabra be yiri kikɛ.

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Zakareya 9:15

Enyɛnpetale Ebɔrɛ na beeŋ baa kuŋ mbe basa, nɛ b kɔ m pɔɔ bumo doŋana so m mur bumo. Baaŋ baa wora awɔr kena to fanɛ basa boo so nseŋ shin nɛ ŋklaŋ e lar bumo doŋana be eyurana so a shile fanɛ kananɛ bɔrɛmatapo bee chulgi sarga be asɔbɔya be ŋklaŋ a wurge bɔrɛsure na so na.

Luuk 1:14

Fo kagbene beeŋ fuli n wora fo ebel ga nɛ kebia na be kakurge na be asheŋ e wora basa damta ebel ga.

Luuk 7:28

Kede be kaman nɛ Yesu naŋ kaŋɛ: “Mee kaŋɛ menyi nna fanɛ Jɔn chɔ durnya to be bomin kikɛ, ama Ebɔrɛ be kuwura na to be ekekarso gba chɔ mo.”

Luuk 7:33

Men du fanɛ mbia ere nna, ŋkpal manɛ so, Jɔn kabɔrɛbɛrpo ka ba kaa kishi, mo alɛ ŋkaa maa nuu nsa be yiri kikɛ, le nɛ men kaŋɛ: ‘Kiyoyu lubi e wɔ mo to.’

Baru lela nɛ Jɔn kute na 5:35

Jɔn daa du fanɛ fitila nɛ k chɔɔ so nna a sa basa kefulto nɛ men daŋ shuli n wu kefulto na be ebel gbrɛbi.

Ashuŋ Shunso 2:4

Nɛ Kiyoyu Cheeŋ na ba bɔlɔ bumo kikɛ to nɛ b fara a gbar ŋgbar nɛ bumo gbagba maa nu kanaŋkamaso nɛ Kiyoyu na daŋ shin nɛ b malga.

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Ɛfesesebi 5:18

Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Joshuwa 3:7

Nɛ Enyɛnpe Ebɔrɛ na kaŋɛ Joshuwa le: “Kabre meeŋ maŋ fo so ashi Israɛlebi kikɛ be anishito, n shin nɛ b pin fanɛ kananɛ ma nɛ Mosis daa la na, loŋ nɛ ma nɛ fo alɛ gba beeŋ baa la.

Joshuwa 4:14

Loŋ be kamɔnchɛ nɛ Enyɛnpe Ebɔrɛ maŋ Joshuwa so ashi Israɛlebi na kikɛ be anishito. Amoso yili loŋ be kachɛ na nɛ b fara a sa mo bunyaŋ fanɛ kananɛ b daa sa Mosis gba na.