Luuk 1:13 - EBƆRƐ BE KAWƆL

¹³ Nɛ malaika na kaŋɛ mo: “Zakareya, sa maa lɔ kufu. Ebɔrɛ nu fo kekule na, amoso, fo eche Elizabɛt beeŋ kurge fo ebinyɛn nɛ men nase mo ketre Jɔn.

Luuk 1:13 ပူးပေါင်းရင်းမြစ်များ

Jɛnesis 17:10

K daga fanɛ fo nɛ fo echefoso be kaman to ebi kikɛ e baa ku menyi to be benyɛn kikɛ atutu.

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 18:14

Kusɔ ko malɛ wɔtɔ nna a du kpakpa n sa Enyɛnpe na a? Kafɛ a ba saŋɛ ere so, meeŋ naŋ bɛta m ba fanɛ kananɛ ŋ kaŋɛ na nɛ Sɛɛra nya kebia na.”

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Nshɛ 118:21

Meeŋ di fo, Enyɛnpe Ebɔrɛ na epaŋ, ŋkpal fo ka nu ma kabɔrɛkule nseŋ shin nɛ ŋ kɔ m pɔɔ so so.

Aizaaya 8:3

Kedaŋ maŋ chɛr ko nɛ ma eche di kedampo. E ka kurge an pibinyɛn nɛ Enyɛnpe Ebɔrɛ na kaŋɛ le: “Nase mbe ketre ‘NYA MANAŊ N FUU ASƆ, NYA MANAŊ Ŋ KƆ N SUGE ASƆ.’ Ŋkpal manɛ so,

Danɛl 10:12

Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ

Hoziya 1:4

Ndoŋ nna nɛ Enyɛnpe Ebɔrɛ kaŋɛ Hoziya le: “Nase fo kebia na be ketre Jizreel, ŋkpal manɛ so k maaŋ chɛr ko nɛ m ba gberge Jehu nɛ e la Israɛl be ewura na be kanaŋ to ebi kusoe, ŋkpal basa nɛ b mɔ ashi Jizreel be ketaŋɛ to na so. Meeŋ mur mbe kuwurji be kanaŋ,

Hoziya 1:6

Gooma ka naŋ di kedampo nɛ e kurge ebiche. Nɛ Enyɛnpe Ebɔrɛ kaŋɛ Hoziya le: “Nase kebia na be ketre Lo-Ruhaama, kumo be kifito e la m maaŋ naŋ ŋini kasha; ŋkpal manɛ so maaŋ naŋ ŋini Israɛlebi ma kasha ŋko n ta bumo be alubi gba m paŋ bumo.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Matiu 14:27

Epul na to nɛ Yesu malga bumo kutɔ ŋ kaŋɛ: “Men keta kagbene, ma nna. Men sa maa lɔ kufu.”

Matiu 28:5

Ndoŋ nna nɛ malaika na kaŋɛ beche na le: “Men sa maa lɔ kufu, ŋkpal manɛ so, n nyi men ka bee fin Yesu nɛ b daŋ gbir m mata kedibi largato so na.

Maak 16:6

Nɛ e kaŋɛ bumo: “Men sa maŋ shin nɛ k chinchiŋ menyi. Nazarɛt be Yesu nɛ b daŋ gbir kedibi largato so na nɛ menyee fin, ama e maŋ wɔ nfe, e tiŋi luwu na to. Men keni kakpa nɛ b daŋ nase mo.

Luuk 1:14

Fo kagbene beeŋ fuli n wora fo ebel ga nɛ kebia na be kakurge na be asheŋ e wora basa damta ebel ga.

Luuk 1:30

Nɛ malaika na kaŋɛ mo: “Mɛɛri, sa maa lɔ kufu, ŋkpal manɛ so, Ebɔrɛ bee sha kenɛfa fo nna.

Luuk 2:21

Kebi na be kachɛ burwasopo nɛ b ku mo kututu nseŋ nase mo Yesu, ketre nɛ malaika na daŋ sa pɔɛŋ nɛ Mɛɛri di mbe kedampo na.

Ashuŋ Shunso 10:31

‘Kɔɔnilias, Ebɔrɛ nu fo kabɔrɛkule na nseŋ naŋ wu fo alelasheŋ na.

Demujipoana 6:23

Ama le nɛ Enyɛnpe Ebɔrɛ na kaŋɛ mo: “Shin nɛ fo kagbene e dese fo! Sa maa lɔ kufu. Fo maaŋ wu.”

1 Samuɛl 2:21

Nɛ Enyɛnpe Ebɔrɛ nɛfa Haana nɛ e naŋ kurge mbinyɛnsobi asa nɛ mbichesobi anyɔ. Le be saŋɛ ere kikɛ nɛ Samuɛl bee daŋ nsaa shuŋ Enyɛnpe Ebɔrɛ na be kushuŋ.