Luuk 1:10 - EBƆRƐ BE KAWƆL

¹⁰ Jemanɛ nɛ e luri nɛ e chɔɔ duwu na nɛ jimaŋ malɛ wɔ kowu a kule Ebɔrɛ.

Luuk 1:10 ပူးပေါင်းရင်းမြစ်များ

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Ezikɛl 46:3

Kewushiachɛ nɛ Kufɔl popɔr be kachɛ juŋkparso kikɛ, basa na kikɛ daga fanɛ b ba gbir m bunyaŋ ma ashi kabunagboŋ na ase.

Levitikɔs 16:17

Yili jemanɛ nɛ Ɛɛrɔn beeŋ luri acheembiana to be kakpa cheembi na to nɛ e ya wora kenyalɛso be kesheŋ wora na hale n ya fo e ka beeŋ lar, a maŋ daga esa kikɛ ka luri wajɛbu na to. E kaŋ wora loŋ n sa mo nɛ mbe kanaŋ nɛ efuli na kikɛ n loge na,

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 9:24

Ŋkpal manɛ so, mannɛ lambu cheembi nɛ dimɛdi gbagba daŋ wora nɛ k daŋ duli lambu cheembi gbagba na to nɛ Kristo daŋ luri. Ebɔrɛso gbagba nɛ e daŋ luri n ya kaa yil naniere anyi be katelamu to a shuŋ Ebɔrɛ be anishito.

Kelaraŋŋini 8:3

Nɛ malaika ko malɛ ka kɔ shuwa be kusɔjɔduwu to m ba yili bɔrɛsure na akpa. B daŋ ta duwu damta ko nna fanɛ e ta n wea Ebɔrɛ be basa be kabɔrɛkuleana to n ta m ba deŋi shuwa be bɔrɛsure na so ashi kuwurputi na be anishito.