Levitikɔs 9:4 - EBƆRƐ BE KAWƆL

⁴ nseŋ naŋ ta gbolu nɛ kpakpa n lara kɔnɔkoŋwule be sarga. A daga b ta amo n ti ayu be sargajibi nɛ b ta ŋku m baga amo n lara kɔnɔkoŋwule be sarga n sa Enyɛnpe Ebɔrɛ na. A daga b ka wora loŋ, ŋkpal manɛ so, Enyɛnpe Ebɔrɛ na beeŋ lar bumo so kabre.”

Levitikɔs 9:4 ပူးပေါင်းရင်းမြစ်များ

Ɛksodɔs 16:10

Ɛɛrɔn ka bee malga a sa Israɛlebi na nɛ b keni keshishɛrsawule na be kaba so n wu Enyɛnpe be kemaŋkura ka bee nyaŋɛ kuwɔlpa to epul na to.

Ɛksodɔs 19:11

nseŋ wora shiriya a jo ma eklade. Kumo be kachɛ ma, Enyɛnpe Ebɔrɛ na beeŋ gbelge m ba Sainai be kebeegboŋ na so ashi basa na kikɛ be anishito.

Ɛksodɔs 24:16

Nɛ Enyɛnpe Ebɔrɛ be kemaŋkura gbelge m ba Sainai be kebee na so nɛ kuwɔlpa na buu kumo so hale n ya fo nchɛnshe. Kachɛ shunusopo na nɛ Enyɛnpe Ebɔrɛ shi kuwɔlpa na be nferinto n tre Mosis.

Ɛksodɔs 29:43

Ndoŋ nɛ ma nɛ Israɛl be basa beeŋ baa shɛr nɛ ma kemaŋkura e shin nɛ ndoŋ e ki ma kakpa cheembi.

Ezikɛl 43:2

Ndoŋ nɛ n wu Israɛl be Ebɔrɛ na be kemaŋkura ka bee nyɛkpɛ pɛlpɛl n shi epeŋilarkpa a ba, nɛ Ebɔrɛ be ebɔl gbir fanɛ teku ka bee baga to na. Kusɔ kama nɛ k daa wɔ ndoŋ gba daŋ fulto nna a nyɛkpɛ.

Ezikɛl 43:27

Nchɛ ashunu na kaŋ choŋ, bɔrɛmatapoana na beeŋ fara a lara esarga chɔɔso nɛ kɔnɔkoŋwule be esarga bɔrɛsure na so. Saŋɛ na so nɛ ma kagbene e fuli Israɛl be basa so. Kusɔ nɛ ma, Enyɛnpetale Ebɔrɛ na kaŋɛ nna na.”

Levitikɔs 2:1

Nɛ esa ta ayu nɛ e ba lara sarga n sa Enyɛnpe Ebɔrɛ na, a daga e kɔr amo nɛ a pe nɛnɛ. Kumo be kaman e ta ɔlif be ŋku m baga amo nseŋ ta duwu n ti so

Levitikɔs 3:1

Nɛ esa ta kusɔbɔya nɛ e lara kɔnɔkoŋwule be sarga, a daga k baa la gbolu ŋko nache nɛ k maŋ kɔ ndulgi kikɛ kumo so nna, nɛ e keta kumo m ba Enyɛnpe Ebɔrɛ na be anishito.

Levitikɔs 9:23

Kumo be kaman nɛ Mosis nɛ Ɛɛrɔn luri wajɛbu na to. B ka lar m ba nɛ b nɛfa basa na nɛ Enyɛnpe Ebɔrɛ na be kemaŋkura fulto ndoŋ nɛ basa na kikɛ wu kumo.

Levitikɔs 9:3

Kumo be kaman nɛ fo kaŋɛ Israɛlebi na fanɛ b ta kaboenyɛn n lara kulubi be sarga nseŋ ta gbolu fɔlbi nɛ kpakpafɔlbi nɛ a ji nfɛ koko nsaa maa kɔ ndulgi kikɛ na n lara sarga chɔɔso n sa Enyɛnpe Ebɔrɛ na

Levitikɔs 9:5

Ndoŋ nna nɛ b bar asɔ nɛ Mosis kaŋɛ fanɛ b bar na kikɛ ashi wajɛbu na be anishito nɛ basa na kikɛ shɛr ndoŋ nɛ b bunyaŋ Enyɛnpe Ebɔrɛ na.

Levitikɔs 9:6

Nɛ Mosis kaŋɛ: “Kusɔ nɛ Enyɛnpe Ebɔrɛ na yili fanɛ men wora nna na, saŋɛ na so mbe kemaŋkura beeŋ lar menyi so.”

Nɔmbɛs 14:10

Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.

Nɔmbɛs 16:19

Nɛ Koora shin nɛ Israɛlebi na kikɛ gbargbar abar m ba yili Mosis nɛ Ɛɛrɔn be anishito ashi wajɛbu na be kabuna. Epul na to nɛ Enyɛnpe Ebɔrɛ be kemaŋkura lar basa na kikɛ so,