Levitikɔs 9:2 - EBƆRƐ BE KAWƆL

² nɛ e kaŋɛ Ɛɛrɔn le: “Fin gbolu fɔlbi nɛ kpakpa nɛ a maŋ kɔ ndulgi nseŋ ta gbolu fɔlbi na n lara kulubi be sarga, n ta kpakpa na malɛ n lara sarga chɔɔso n sa Enyɛnpe Ebɔrɛ na.

Levitikɔs 9:2 ပူးပေါင်းရင်းမြစ်များ

Ɛksodɔs 29:1

Men kaa shin nɛ men ta Ɛɛrɔn nɛ mbe bibinyɛn na m bɔɔ ma enɔ fanɛ bɔrɛmatapoana, men ta gbolu fɔlbi koŋwule nɛ ekpakpa anyɔ nɛ a maŋ kɔ ndulgi kikɛ.

Ezikɛl 29:1

B ka pɛ anyi be beko nɛ ewura Jehowachin n yɔ kenyaya to ashi Babilɔn be efuli so na be kafɛ kudusopo na to be kufɔl kudusopo na be kachɛ kudu anyɔsopo na nɛ Enyɛnpe Ebɔrɛ na kaŋɛ ma le.

Levitikɔs 1:10

Nɛ fanɛ esa na bee lara kubolpɔ ŋko kaboe nna, a daga k baa la kenyɛnso nɛ k maŋ kɔ ndulgi kikɛ kumo be eyur so.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 16:3

Pɔɛŋ nɛ e luri acheembiana to be kakpa cheembi na, a daga fanɛ e ta gbolu fɔlbi n lara kulubi be sarga nɛ kpakpafɔlbi malɛ n lara sarga chɔɔso.

Levitikɔs 16:5

Israɛl be basa na kikɛ beeŋ sa Ɛɛrɔn mboenyɛn anyɔ nɛ e ta n lara kulubi be sarga nseŋ sa mo kpakpa malɛ nɛ e ta n lara sarga chɔɔso.

Levitikɔs 4:3

Nɛ fanɛ Bɔrɛmatapo Nimuso e wora kulubi nɛ k suse basa na kikɛ, e beeŋ bar gbolu fɔlbi nɛ e maŋ kɔ ndulgi kikɛ kumo so m ba lara sarga n sa Enyɛnpe Ebɔrɛ na ŋkpal mbe kulubi na so.

Levitikɔs 8:14

Ade be kaman nɛ Mosis shin nɛ b bar gbolu fɔlbi nɛ baaŋ ta n lara kulubi be sarga na nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo be kumu so.

Levitikɔs 8:18

Ade kikɛ be kaman nɛ Mosis shin nɛ b bar kpakpa nɛ baaŋ ta n lara sarga chɔɔso na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo alɛ gba be kumu so.

Levitikɔs 9:3

Kumo be kaman nɛ fo kaŋɛ Israɛlebi na fanɛ b ta kaboenyɛn n lara kulubi be sarga nseŋ ta gbolu fɔlbi nɛ kpakpafɔlbi nɛ a ji nfɛ koko nsaa maa kɔ ndulgi kikɛ na n lara sarga chɔɔso n sa Enyɛnpe Ebɔrɛ na

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 5:3

Ŋkpal loŋ so Ebɔrɛ nase kumo nna fanɛ e lara sarga. Mannɛ ŋkpal basa pɔtɛ be alubi nawule so, ama ŋkpal mo alɛ gbagba peya gba so.

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.