Levitikɔs 9:18 - EBƆRƐ BE KAWƆL

¹⁸ Kumo be lalaloge nɛ e mɔ gbolu nɛ kpakpa na n lara basa na be kɔnɔkoŋwule be sarga na. Nɛ mbe mbinyɛnsobi na suse ŋklaŋ na m ba sa mo nɛ e wora amo ŋ ŋmenyaŋ bɔrɛsure na be mba ana na so.

Levitikɔs 9:18 ပူးပေါင်းရင်းမြစ်များ

Levitikɔs 9:9

Nɛ mbe mbinyɛnsobi na suse kumo be ŋklaŋ m bar mo nɛ e ta keshilbi n nyɔ amo to ŋ gbiti bɔrɛsure na be alambɛ ana na be nnɔso nseŋ chulgi ŋklaŋ nɛ a ka na n wurge bɔrɛsure na be kaseto.

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Kɔlɔsiebi 1:20

An Tuto na e shin nɛ mo Pibi bar asɔtoso kikɛ abar so nɛ Ebɔrɛ nɛ asɔtoso na naŋ wora kɔnɔkoŋwule, asɔtoso nɛ a wɔ kasawule so nɛ amo nɛ a wɔ ebɔrɛso kikɛ, kumo e la fanɛ, mo Pibi na bar kagbenewushi Ebɔrɛ nɛ asɔtoso kikɛ be nferinto ashi mbe ŋklaŋ nɛ a lar saŋɛ nɛ e wu kedibi largato na so na.