Levitikɔs 8:28 - EBƆRƐ BE KAWƆL

²⁸ Kumo be kaman nɛ Mosis naŋ sɔ amo bumo be enɔana to n ta n deŋi sarga chɔɔso na so n chɔɔ ashi bɔrɛsure na so a ŋini fanɛ k la keta esa ŋ ki bɔrɛmatapo n sa Ebɔrɛ na be sarga nna. Kede la sarga nɛ kumo be efɛa bee par Enyɛnpe Ebɔrɛ na nna.

Levitikɔs 8:28 ပူးပေါင်းရင်းမြစ်များ

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.