Levitikɔs 8:2 - EBƆRƐ BE KAWƆL

² “Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Levitikɔs 8:2 ပူးပေါင်းရင်းမြစ်များ

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Ɛksodɔs 28:40

Men baa nle nɛ ekreso nɛ eneemu n sa Ɛɛrɔn be bibinyɛn na malɛ nɛ a shin nɛ b baa kɔ bunyaŋ nsaa walɛ ayɛrbi.

Ɛksodɔs 39:41

B daŋ ta asɔbuuso lueso nɛ bɔrɛmatapoana bee buu a shuŋ Ebɔrɛ be wajɛbu na to na n ti so.

Levitikɔs 6:10

Bɔrɛmatapo na malɛ daga e ta mbe kabɔrɛmata be piŋi m buu ŋ deŋi mbe danshiki so m ba koli sarga chɔɔso na be nsunɔ na m muu n nase bɔrɛsure na be kekel to.

Levitikɔs 8:1

Nɛ Enyɛnpe Ebɔrɛ na kaŋɛ Mosis:

Levitikɔs 8:10

Ndoŋ nna nɛ Mosis naŋ wora ŋku nɛfaso na ŋ ŋmenyaŋ Enyɛnpe be wajɛbu na nɛ asɔ nɛ a wɔ kumo to na kikɛ so nɛ amo kikɛ ki cheembi.

Levitikɔs 8:18

Ade kikɛ be kaman nɛ Mosis shin nɛ b bar kpakpa nɛ baaŋ ta n lara sarga chɔɔso na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo alɛ gba be kumu so.

Levitikɔs 8:22

Ndoŋ nna nɛ Mosis shin nɛ b bar kpakpa nyɔsopo nɛ e beeŋ ta ŋ wora bɔrɛmatapoana be kebuu be kasheŋwora na, nɛ Ɛɛrɔn nɛ mbe mbinyɛnsobi na ta bumo be enɔana n deŋi kusɔbɔya na be kumu so.

Levitikɔs 8:3

Kede be kaman nɛ fo shin nɛ Israɛl be basa kikɛ e ba shɛr ndoŋ.”

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.