Levitikɔs 8:14 - EBƆRƐ BE KAWƆL

¹⁴ Ade be kaman nɛ Mosis shin nɛ b bar gbolu fɔlbi nɛ baaŋ ta n lara kulubi be sarga na nɛ Ɛɛrɔn nɛ mbe mbinyɛnsobi na ta bumo be enɔana n deŋi kumo be kumu so.

Levitikɔs 8:14 ပူးပေါင်းရင်းမြစ်များ

Nshɛ 66:15

Meeŋ ta mbolpɔ lela n lara sarga n sa fo, nseŋ mɔ egbolu nɛ mboe n lara sarga chɔɔso ashi fo bɔrɛsure so.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Ezikɛl 43:19

Bɔrɛmatapoana nɛ b shi Livai be yiri to nsaa la kanyɛn nɛ baa tre Zadɔk na be kanaŋ to be basa nawule e naŋ tiŋ m ba ma anishi to m ba shuŋ ma. Ma, Enyɛnpetale Ebɔrɛ na be mbra nna na. Menyeeŋ sa bumo gbolu fɔlbi nɛ b ta n lara kulubi be sarga.

Ezikɛl 43:20

Kumo be kaman, nɛ b suse kusɔbɔya na be ŋklaŋ ŋ gbiti bɔrɛsure na be akel to be nnɔso ana na so nɛ kumo be nferinto gba peya so nɛ kumo be ekarso kikɛ ŋ kulti. Kananɛ menyeeŋ wora nɛ k nyalɛ so nsaa la kusɔ nɛ menyeeŋ tiŋ a lara esarga kumo so a sa ma nna na.

Ezikɛl 44:27

nseŋ yɔ bɔrɛlambu na be epunto be kelɔnɛ na to n ya lara sarga nɛ k beeŋ shin nɛ e nyalɛ so, saŋɛ na so e beeŋ naŋ tiŋ a shuŋ bɔrɛlambu na to. Ma, Enyɛnpetale Ebɔrɛ na, e kaŋɛ na.

Levitikɔs 1:4

Esa nɛ e lara sarga na beeŋ ta mbe enɔ n deŋi gbolu na be kumu so, saŋɛ na so, k beeŋ baa la alubi be ketampaŋ be sarga n sa mo.

Levitikɔs 16:21

E beeŋ ta mbe enɔana n deŋi kaboe na be kumu so nseŋ malga kumukpakpaso nɛ kesheŋ kini be asheŋ lubi nɛ Israɛl be basa na wora kikɛ n laŋɛ amo kikɛ n deŋi kaboe na be kumu so. Kumo be kaman nɛ e shin nɛ esa ko e gberge kaboe na n yɔ kiyi to n ya lɛ nɛ k ta basa na be alubi a yɔ.

Levitikɔs 16:6

E beeŋ ta gbolu n lara mo nɛ mbe kanaŋ be alubi be ketampaŋ be sarga.

Levitikɔs 4:15

Efuli na be benimuana beeŋ ta bumo be enɔana n deŋi kusɔbɔya na be kumu so nseŋ mɔ kumo ndoŋ.

Levitikɔs 8:2

“Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Nɔmbɛs 8:12

Nɛ Livaiebi na e ta bumo be enɔana n deŋi deŋi egbolu anyɔ na so, kumo be kaman nɛ b ta kuko n lara alubi be ketampaŋ be sarga nseŋ ta kuko malɛ n lara sarga chɔɔso, saŋɛ na so Livaiebi na beeŋ fɔr so n lar daŋkare be ekpa so.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.