Levitikɔs 8:12 - EBƆRƐ BE KAWƆL

¹² Ade be kaman nɛ e wora ŋku nɛfaso na be ako n do Ɛɛrɔn be kumu so nɛ mo e ki Ebɔrɛ be esa laraso.

Levitikɔs 8:12 ပူးပေါင်းရင်းမြစ်များ

Nshɛ 133:2

K du fanɛ b ka daŋ duga ɔlif be ŋku n wurge bɔrɛmatapo Ɛɛrɔn be kumu so nɛ a gbelge to m bɔla mbe katɔl so m ba mbe piŋi be kubɔ to nna.

Ɛksodɔs 28:41

Ade kikɛ be kaman nɛ men ta le be asɔbuuso ere m buu fo da Ɛɛrɔn nɛ mbe bibinyɛn na nseŋ ta ŋku ŋ gbiti bumo n ta bumo m bɔɔ Ebɔrɛ enɔ, saŋɛ na so baaŋ ki bɔrɛmatapoana cheembi a shuŋ ma.

Ɛksodɔs 29:7

Asɔ buuso na be kaman, nɛ men ta ŋku nɛfaso na n do Ɛɛrɔn be kumu so nɛ e ki Ebɔrɛ be esa laraso.

Ɛksodɔs 30:30

Ade kikɛ be kaman nɛ men ta ŋku na n do n do Ɛɛrɔn nɛ mbe bibinyɛn na gba so n ta bumo m bɔɔ ma enɔ nɛ b ki bɔrɛmatapoana a shuŋ ma.

Levitikɔs 10:7

Menyi e sa maŋ kaŋ lar wajɛbu ere be kabuna ase n yɔ kaplɛkama, nɛ men wora loŋ menyeeŋ wu. Ŋkpal manɛ so, menyi ere la basa nɛ Enyɛnpe Ebɔrɛ na lara n yili n sa mbe kumu nna n shin nɛ men ki mbe bɔrɛmatapoana.” Ndoŋ nna nɛ Ɛɛrɔn nɛ mbe mbinyɛnsobi anyɔ na nu nseŋ bɛ Mosis be kɔnɔ so.

Levitikɔs 4:3

Nɛ fanɛ Bɔrɛmatapo Nimuso e wora kulubi nɛ k suse basa na kikɛ, e beeŋ bar gbolu fɔlbi nɛ e maŋ kɔ ndulgi kikɛ kumo so m ba lara sarga n sa Enyɛnpe Ebɔrɛ na ŋkpal mbe kulubi na so.

Levitikɔs 7:36

Kachɛ nɛ b lara bumo n yili fanɛ bɔrɛmatapoana na nɛ Enyɛnpe Ebɔrɛ na yili kumo fanɛ Israɛlebi na e baa sa bumo amo nɛ a baa la bumo be kachige mbaanaayɔ.

Levitikɔs 8:30

Ade kikɛ be kaman nɛ Mosis wora ŋku nɛfaso na nɛ bɔrɛsure na so be ŋklaŋ na be ako ŋ ŋmenyaŋ Ɛɛrɔn nɛ mbe mbinyɛnsobi na nɛ bumo be asɔbuuso so, nɛ bumo nɛ amo kikɛ ki cheembi Ebɔrɛ be anishito.