Levitikɔs 7:6 - EBƆRƐ BE KAWƆL

⁶ Bɔrɛmatapo be kanaŋ to be kusɔnyɛn kikɛ beeŋ tiŋ n ji sarga na, ama a daga b ji kumo kakpa cheembi nna. Ŋkpal manɛ so, k la sarga cheembi nna.

Levitikɔs 7:6 ပူးပေါင်းရင်းမြစ်များ

Ezikɛl 42:13

Ndoŋ nna nɛ kanyɛn na kaŋɛ ma le: “Nwu anyɔ ere kikɛ la mboŋ cheembi nna. Amo to nɛ bɔrɛmatapoana nɛ baa luri a yɔ Enyɛnpe Ebɔrɛ na be anishito na beeŋ baa chena a ji esargajibi cheembi na. Ebuana na ka du cheembi so, ndoŋ nɛ bɔrɛmatapoana na beeŋ baa ta ayu be esarga nɛ alubi be esarga nɛ kewora n jija be esarga cheembiana na a wɔtɔ.

Levitikɔs 2:3

Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 6:11

Kumo be kaman nɛ e gbaŋ kabɔrɛmata be epiŋi na n nase nseŋ ta piŋi pɔtɛ m buu pɔɛŋ nseŋ muu nsunɔ na n lar keeyi na to n ya lɛ kakpa nɛ k daga.

Levitikɔs 6:29

Bɔrɛmatapo be kanaŋ to be kusɔnyɛn nawule e naaŋ tiŋ n ji loŋ be sarga na. K la sarga cheembi ga nna.

Levitikɔs 7:5

Bɔrɛmatapo na beeŋ chɔɔ amo bɔrɛsure na so fanɛ sarga chɔɔso n sa Enyɛnpe Ebɔrɛ na, ŋkpal manɛ so, k la kewora n jija be sarga nna.

Heegai 2:12

Nɛ fanɛ esa pɛ mbe piŋi tenteŋ be kɔnɔso m bɔɔ eblaŋ nɛ k du cheembi ŋkpal b ka ta kumo n lara sarga n sa Ebɔrɛ so, nɛ piŋi tenteŋ na beta bodobodo ŋko ajibi daŋɛso ŋko yabra ŋko ajibi pɔtɛ ko, loŋ beeŋ tiŋ n shin nɛ amo alɛ gba e ki cheembi a?” Ndoŋ nna nɛ bɔrɛmatapoana na kaŋɛ: “Ayai, loŋ maaŋ tiŋ n wora.”

1 Kɔrintebi 10:18

Men fɛ Israɛlebi be asheŋ ŋ keni. Men maŋ nyi fanɛ bekama nɛ b ji esarga mo nɛ b lara n sa Ebɔrɛ ashi bɔrɛsure na so wɔ bumo nɛ Ebɔrɛ be kɔnɔkoŋwuleso be kebaawɔtɔ to nna ŋkpal bɔrɛsure na so a?

1 Kɔrintebi 9:13

Men maŋ nyi fanɛ basa nɛ baa shuŋ bɔrɛlambu to bee nya bumo be keji nna ashi bɔrɛlambu na to nɛ bumo nɛ baa shuŋ bɔrɛsure akpa na malɛ gba bee nya bumo be kachige ashi asɔ nɛ baa ta a lara esarga na to a?