Levitikɔs 7:18 - EBƆRƐ BE KAWƆL

¹⁸ Nɛ eblaŋ na fo nchɛ asa nɛ b we kumo, Ebɔrɛ maaŋ sɔ esa na be sarga na. Esa nɛ e lara sarga na maaŋ nya kumo be nɛfa, kumo alɛ maaŋ baa la sarga cheembi. Kumo be kumu lubi malɛ beeŋ baa bɛ esa kikɛ nɛ e we kumo be eblaŋ na so.

Levitikɔs 7:18 ပူးပေါင်းရင်းမြစ်များ

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Aizaaya 65:4

Kanyɛso malɛ baa yɔ nchaŋ ase nna n ya kaa bishi so a fin abuniyoyu be kechɛto. Bumo alɛ naa we epreku be eblaŋ nna nsaa fe asɔbɔya nɛ b ta n lara esarga n sa agbir be epochu.”

Aizaaya 66:3

Basa kikɛ bee wora bumo be aparsheŋ nna nsaa wɔtɔ a wora mbushusheŋ kananɛ baa sha. Ŋkpal loŋ so, esa kama nɛ e ta gbolu n lara sarga n sa ma nɛ esa nɛ e mɔ esa kikɛ la kukoŋwule nna; nɛ emo nɛ e ta kpakpafɔlbi n lara sarga malɛ nɛ esa nɛ e kii jɔnɔ be kubɔ to m mɔ gba la kukoŋwule nna. Bekama malɛ nɛ baa ta ayu a lara esarga a sa ma nɛ basa nɛ baa ta epreku be ŋklaŋ a lara esarga kikɛ la kukoŋwule nna ashi ma anishito. Esa nɛ e bee chɔɔ duwu a lara sarga a sa ma nɛ emo nɛ e bee shuŋ agbir kikɛ la kukoŋwule nna.

Jɛremaya 14:10

Ndoŋ nna nɛ Enyɛnpe Ebɔrɛ na kaŋɛ le a laŋɛ basa na be kaplɛa so. E yɛ: “Basa ere bee sha kebaa shile ma nna ga. B maa sha kebaa firgi a taga ma to kikɛ. Amoso bumo be asheŋ maa par ma. Meeŋ nyiŋi bumo be asheŋ lubi nseŋ gberge bumo kusoe.”

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Ezikɛl 18:20

Basa nɛ b wora alubi e naa wu alubi be luwu. Mbia maaŋ ji awurfoŋ ŋkpal bumo tutoana be alubi so nɛ bekurgepo gba maaŋ ji awurfoŋ ŋkpal bumo be mbia be alubi so. Basa lela beeŋ nya bumo be alelasheŋ be kakɔka nɛ basa lubi malɛ e nya kasogberge ŋkpal bumo be alubi so.

Hoziya 8:13

Men gbagba e naa we esarga nɛ menyeeŋ lara a sa ma na be eblaŋ. Ma Enyɛnpe Ebɔrɛ na be kagbene maŋ fuli menyi so ŋkpal loŋ so. Amoso meeŋ gberge menyi kusoe ŋkpal men be alubi so nseŋ naŋ bɛta menyi n yɔ Ijipt be kasawule so.

Levitikɔs 10:17

“Manɛ e ba nɛ men maŋ ji kulubi be sarga na ashi kakpa nɛ k du cheembi nseŋ daga? K la sarga cheembi ga nna nɛ Enyɛnpe Ebɔrɛ na ta n sa menyi nɛ e bɔla kumo so n lara kade na kikɛ be alubi bumo to.

Levitikɔs 10:19

Ndoŋ nna nɛ Ɛɛrɔn kaŋɛ Mosis le: “Nɛ n daŋ ji kulubi be sarga na kabre, Enyɛnpe Ebɔrɛ na daa beeŋ shuli ma a? Kabre nɛ basa na lara bumo be kulubi be sarga nɛ sarga chɔɔso n sa Enyɛnpe Ebɔrɛ na, ama keni asheŋ tumase nɛ a tu ma.”

Levitikɔs 11:41

Men sa maŋ kaŋ ji asɔbɔya wurbi nɛ b na kasawule so ere be kekama.

Levitikɔs 17:16

E kaŋ kini kefɔr mbe asɔbuuso nseŋ bɛr nchu e beeŋ nya kumo be kasogberge.”

Levitikɔs 19:5

Nɛ men baŋ mɔ kusɔbɔya nɛ men lara kɔnɔkoŋwule be sarga, men bɛ mbraana nɛ n yili n sa menyi na so nɛ n sɔ menyi be sarga na.

Levitikɔs 20:17

Nɛ enyɛn ta mo nio pibiche ŋko mo tuto pibiche a kil nɛ mo nɛ mo di, k la ŋaba nna. A daga fanɛ b yili ekama be anishito n ju bumo n lɛ. Enyɛn na ŋaba mo sipoche na nna na nseŋ daga fanɛ e ji kumo be tɔrɔ.

Levitikɔs 20:19

Nɛ enyɛn di mo tana ŋko mo niokar ŋko mo niogboŋ, k la ŋaba n sa kanaŋ na nna nɛ a daga fanɛ bumo benyɔ na kikɛ ka nya kusɔ nɛ b wora na be kasogberge.

Levitikɔs 22:16

nseŋ shin nɛ basa nɛ b maŋ daga keji amo e ji amo. Kumo be loŋ beeŋ shin nɛ b wora n da so nseŋ nya kasogberge. Ma e la Enyɛnpe Ebɔrɛ na. Ma alɛ e naa shin nɛ esarga na bee ki cheembi.”

Levitikɔs 22:23

Menyeeŋ tiŋ n ta kena ŋko kubolpɔ nɛ kumo be aya maŋ sasa abar n lara kakɛ be sarga, ama mannɛ kɔnɔ be ketia be sarga bre.

Levitikɔs 22:25

Men sa maŋ kaŋ sɔ efɔ be kusɔbɔya kikɛ n lara ajibi be sarga n sa men be Ebɔrɛ. M maaŋ sɔ amo, ŋkpal manɛ so, loŋ be asɔbɔya na maŋ kɔr asɔbɔya nɛ e kɔ ndulgi to.”

Levitikɔs 5:17

Nɛ esa maŋ nyi nseŋ wora n da Enyɛnpe Ebɔrɛ na be mbraana nɛ e yili na be kekama so, e wora kulubi nna na nseŋ daga fanɛ e lara kumo be sarga.

Levitikɔs 7:19

Eblaŋ kama nɛ k beta daŋkare be ekpa so be keyurpisɔ kikɛ maŋ daga keji. K daga kechɔɔ nna. Ama eblaŋ nɛ a ka na bre, esa nɛ e maŋ wora eyurpi daŋkare be ekpa so beeŋ tiŋ n we amo.

Eemɔs 5:22

Hale nɛ men lara esarga chɔɔso nɛ ayu be esarga gba m ba sa ma, maaŋ sɔ amo. Men be asɔbɔya danso duliduli lela gba be asheŋ maaŋ bɔlɔ ma kenishi.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Malakai 1:13

Kumo be kaman le nɛ men kraa kaŋɛ: ‘Ebɔl lar anyi ere nna.’ Men wɔtɔ gba nna a kpa mmuna to a wɔtɔ ma. Kayu be asɔbɔya nɛ asɔbɔya nɛ b la ebobi nɛ asɔbɔya nɛ baa lɔ nɛ men ta a lara sarga a sa ma. Men fɛ fanɛ meeŋ shuli n sɔ amo nna a?

Nɔmbɛs 18:27

fanɛ kananɛ Israɛlebi na bee lara bumo be kudukudusopo na.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Romebi 4:11

Mbe yirda na be kaman nɛ e daŋ ku kututu a ŋini fanɛ ŋkpal mbe yirda na so nɛ Ebɔrɛ nase kumo fanɛ e la elelapo pɔɛŋ nɛ e ku. Amoso, abɔrɛsheŋ be kaplɛa so, mo e la bumo nɛ b maŋ ku nseŋ yirda Ebɔrɛ na kikɛ bumo tuto, saŋɛ na so Ebɔrɛ beeŋ nase kumo fanɛ b la belelapo.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Pita 2:24

Mo ere gbagba e ta mbe eyur n ta an be alubi n yɔ kedibi largato na so nɛ an baa la basa nɛ b wu alubi be kaplɛa so nsaa wɔtɔ ŋkpal alelasheŋ so. Mbe eyur be kemurgi so nɛ men nya kechɛ.