Levitikɔs 7:16 - EBƆRƐ BE KAWƆL

¹⁶ Nɛ fanɛ sarga na la sarga nɛ esa lara a tia kɔnɔ nɛ e nase nna ŋko mbe keparso nɛ e lara kumo, a daga b we eblaŋ na kikɛ kachɛ nɛ e lara sarga na, ama baaŋ tiŋ n we kekama nɛ kare chɛ so na gba.

Levitikɔs 7:16 ပူးပေါင်းရင်းမြစ်များ

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 116:18

Jemanɛ nɛ fo basa beeŋ shɛr abar so fo bɔrɛlambu to ashi Jerusalɛm be kadegboŋ to na, nɛ meeŋ tia kɔnɔ nɛ n nase n sa fo na. Men kpaŋ Enyɛnpe Ebɔrɛ na!

Nshɛ 66:13

Meeŋ wora m bɛ kɔnɔ nɛ n nase n sa fo saŋɛ so nɛ n daa wɔ tɔrɔ to na so. Meeŋ ba lara sarga ashi fo bɔrɛlambu to n sa fo.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Aŋasa 7:14

“Kabre nɛ m mɔ asɔbɔya n lara sarga; eblaŋ wɔ ma laŋ to.

Ezikɛl 46:12

Kede be kaman nɛ ewura na bee sha kelara mo gbagba be keparso be sarga chɔɔso ŋko kɔnɔkoŋwule be sarga n sa Enyɛnpe Ebɔrɛ na baŋ bugi bɔrɛlambu na be epunto be kelɔnɛ na be kabunagboŋ nɛ k wɔ epeŋilarkpa be kaba so na n sa mo nɛ e luri. Kananɛ e baa lara Kewushiachɛ be esarga na nɛ e beeŋ lara kede gba. E kaŋ wora n loge nseŋ lar na nɛ b ti kabunagboŋ na.”

Levitikɔs 22:23

Menyeeŋ tiŋ n ta kena ŋko kubolpɔ nɛ kumo be aya maŋ sasa abar n lara kakɛ be sarga, ama mannɛ kɔnɔ be ketia be sarga bre.

Levitikɔs 22:29

Nɛ menyee lara kapandi be sarga a sa ma, Enyɛnpe Ebɔrɛ na, men lara kumo ekpa nɛ k beeŋ shin nɛ n sɔ kumo so.

Levitikɔs 23:38

Nchɛgboŋ ere kikɛ ti jemanɛ kikɛ be kewushiachɛana na so nna. Esarga ere gba ti jemanɛ kikɛ be ŋkɛ nɛ nnɔ naseso nɛ men tia nɛ menyi be ŋgbene to be ŋkɛ nɛ men kɔ a sa Enyɛnpe Ebɔrɛ na kikɛ so nna.)

Nahum 1:15

Judaebi, men keni, kabɔ ko kɔ baru lela n shi kebeegboŋ na so a ba! Kayurwushi be baru nɛ e kɔ a ba. Amoso men ji menyi be nchɛgboŋ nseŋ wora m bɔlɔ nnɔ nɛ men nase n sa Ebɔrɛ na so. Kumukpakpaso wuraana maaŋ naaŋ kɔ n sɔ menyi be kasawule kikɛ, ŋkpal manɛ so, b mur cheche kuraa.

Nɔmbɛs 15:3

B baa ta gbolu ŋko kpakpa ŋko kubolpɔche ŋko kaboe n lara sarga chɔɔso ŋko kɔnɔ be ketia be sarga ŋko keparso be sarga ŋko kabɔrɛshuŋ be nchɛgboŋ be sarga. Le be esarga ere be efɛa bee wora ma Enyɛnpe Ebɔrɛ na ebel nna.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 12:26

Menyeeŋ baa ta menyi be esarga nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na a yɔ kakpa koŋwule nɛ e beeŋ lara n yili fanɛ men baa shuŋ mo na nna.

Ditɛronɔmi 12:6

Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.