Levitikɔs 7:12 - EBƆRƐ BE KAWƆL

¹² Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo.

Levitikɔs 7:12 ပူးပေါင်းရင်းမြစ်များ

2 Kronikɛls 29:31

Ndoŋ nna nɛ ewura Hɛzekaya kaŋɛ basa na le: “Naniere bre men ka nyalɛ so daŋkare be ekpa so ere, men ta men be kabɔrɛchɔrɔ be esarga m ba sa Enyɛnpe Ebɔrɛ.” Nɛ basa na wora loŋ, nɛ bumo be beko malɛ bar asɔbɔya m ba lara sarga chɔɔso bumo be keparso nɛ esa kama maŋ bishi bumo.

2 Kronikɛls 33:16

E daŋ naŋ lɔŋɛ bɔrɛsure nɛ baa lara kɔnɔkoŋwuleso nɛ kechɔrɔ be esarga kumo so na nna n sa Enyɛnpe Ebɔrɛ, nseŋ kaŋɛ Juda be basa kikɛ fanɛ b baa shuŋ Enyɛnpe nɛ Ebɔrɛ na.

Nehemaya 12:43

Ebɔrɛ daŋ shin nɛ basa na be ŋgbene fuli bumo nna ga, amoso b daŋ ji bumo be amu nna nseŋ lara esarga damta n sa Ebɔrɛ. Beche nɛ mbia kikɛ daŋ ti kayurji na so nna. Esa daa wɔ kufɔ nɛ Jerusalɛm be kadegboŋ na gba e daa beeŋ nu awɔr nɛ basa na daa wora kagbene fuli so na.

Nshɛ 107:8

A daga fanɛ men di Ebɔrɛ epaŋ ŋkpal mbe kasha nɛ k maa chɛrga, nɛ emamachisheŋ nɛ e bee wora a sa edimɛdi kikɛ na so.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Hoziya 14:2

Men bɛta m ba Enyɛnpe Ebɔrɛ na kutɔ nseŋ shin nɛ le be kabɔrɛkule ere e baa la sarga n sa mo. “Ta anyi be alubi m paŋ anyi nseŋ nu anyi be kabɔrɛkule saŋɛ na so anyeeŋ di fo epaŋ fanɛ kananɛ an nase kɔnɔ na gbagba.

Levitikɔs 2:4

Nɛ fanɛ b ta ayu na n wora bodobodo nna, kumo ere a sa maa kɔ yiisi amo to. Ama a beeŋ tiŋ a la bodobodo nɛ b ta nyifu nɛ a pe nɛnɛ nseŋ ta ɔlif be ŋku n wea amo to n wora, ŋko ekrakashi nɛ b ta ɔlif be ŋku m baga amo.

Levitikɔs 2:5

Nɛ fanɛ b ta ayu na a wora abuibi nna, kumo ere b ta nyifu nɛ a pe nɛnɛ nseŋ ta ɔlif be ŋku n wea amo to n wora nɛ e sa maa kɔ yiisi.

Levitikɔs 22:29

Nɛ menyee lara kapandi be sarga a sa ma, Enyɛnpe Ebɔrɛ na, men lara kumo ekpa nɛ k beeŋ shin nɛ n sɔ kumo so.

Levitikɔs 6:16

Kumo be kaman nɛ bɔrɛmatapoana na e ta amo nɛ a ka na n wora bodobodo nɛ yiisi maŋ wɔ amo to n we ashi wajɛbu na be kelɔnɛ cheembi na so. Enyɛnpe Ebɔrɛ na e ta amo n sa bumo nɛ a baa la bumo be ayu be sargajibi to be kachige. Kananɛ kulubi nɛ kewora n jija be esarga du cheembi na nɛ bodobodo na gba du.

Levitikɔs 7:15

Kusɔbɔya nɛ b ta n lara kɔnɔkoŋwule nɛ kapandi be sarga na daga b ka we kumo be eblaŋ kikɛ kachɛ nɛ b mɔ kumo na nna. Kare maa chɛ kumo be eblaŋ so.

Eemɔs 4:5

Men ta men be bodobodo nɛ a kɔ yisi na m ba lara kechɔrɔ be sarga nsaa puchi ŋkpal esarga damta nɛ men bar na so ŋkpal manɛ so, loŋ nɛ menyee sha kebaa wora.

Nɔmbɛs 6:15

A daga fanɛ b ta bodobodo nɛ a maŋ kɔ yiisi nɛ b ta nyifu nɛ ɔlif be ŋku n wora na kelantaŋɛ be bɔlɔ nɛ ekrakashi nɛ amo alɛ gba maŋ kɔ yisi na nɛ ayu nɛ asɔnuuso n ti asɔbɔya na so n lara sarga na.

Luuk 17:16

nseŋ gbir Yesu be anishito n chɔrɔ mo. Samɛria be esa e daa la mo.

Luuk 17:18

Ama bumo be ekama maŋ tiŋ m bɛta m ba di Ebɔrɛ epaŋ she efɔ ere nawule a?”

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

Ɛfesesebi 5:20

Saŋkikɛ men baa chɔrɔ Ebɔrɛ Etuto na ŋkpal kusɔ kikɛ so ashi an Nyɛnpe Yesu Kristo be ketre to.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.