Levitikɔs 6:5 - EBƆRƐ BE KAWƆL

⁵ ŋko kusɔ nɛ e ku efɛ m bɔ ntaŋ fanɛ e maŋ wu na n ya sa kusɔwura nseŋ ka kumo be ntuŋ nuso to be katuŋ koŋwule n ti so.

Levitikɔs 6:5 ပူးပေါင်းရင်းမြစ်များ

2 Samuɛl 12:6

Ŋkpal le be kesheŋ lubi nɛ e wora n sa maŋ wu kuwɔr ere so a daga fanɛ e ka kusɔ nɛ e ta na be ntuŋ ana.”

Nehemaya 10:35

Kafɛ kikɛ anyeeŋ baa bar anyi be ayu nɛ asɔrso nɛ an juŋkpar n teŋi ŋko n chuge, bɔrɛlambu na to.

Ɛksodɔs 22:1

Esa baŋ yuri kena m mɔ ŋko n fa, k daga fanɛ e ka ana anu, nɛ kubolpɔ malɛ nna, a daga e ka mbolpɔ ana n tal to.

Ɛksodɔs 22:7

Nɛ esa ta amansherbi ŋko asɔ n sa mo barkasa nɛ e yili nɛ eyu ya yuri amo ashi mbe ebu to nɛ b pɛ eyu na nna, k daga fanɛ eyu na e ka loŋ be asɔ be ale anyɔ.

Ɛksodɔs 22:9

Nɛ basa anyɔ bee kɔ a mɔlga kusɔ foeso fanɛ kusɔbɔya ŋko kusɔbuuso, nɛ k ki bumo emɔrɔ, k daga fanɛ b ta demu na n yɔ Ebɔrɛ be anishito demujipoana kutɔ nɛ b mige to. Kumo be kaman nɛ b shin nɛ emo nɛ e bee puni kumo na e ka kusɔ nɛ e bee puni na be ntuŋ anyɔ n sa mo barkasa na.

Ɛksodɔs 30:7

Ɛɛrɔn baŋ ba nɛ e ba lɔŋɛ efitila na so, kachipurso kikɛ a daga fanɛ e chɔɔ duwu nɛ amo be efɛa wɔ ebel na bɔrɛsure na so.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Aizaaya 58:9

Nɛ men baŋ kule ma kusɔ kama, meeŋ nu menyi be kekule. Nɛ men tre ma malɛ meeŋ shuli menyi be ketre na! Nɛ men yige kanyaŋ nɛ nfɛlso be kebaawɔtɔ nɛ mmalga lubi be kebaamalga

Ezikɛl 33:15

fanɛ, e ka bɛta kusɔ nɛ e daŋ sɔ n yili tarma pɔɛŋ nseŋ sa esa ko mpaŋ na ŋko m bɛta kusɔ nɛ e yuri n ya sa kusɔwura na, kumo ere e maaŋ wu ama e beeŋ ji efute.

Levitikɔs 5:16

Esa na daga fanɛ e ka kukɔ nɛ b ku n sa mo na, nɛ kumo be ntuŋ nuso to be katuŋ koŋwule n ti so, n sa Enyɛnpe Ebɔrɛ na. Bɔrɛmatapo na nɛ e beeŋ ka amo n sa, nɛ mo alɛ e yili mbe katelamu to n ta kusɔbɔya na n lara kulubi be sarga nɛ e nya ketampaŋ.

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

1 Samuɛl 12:3

Ma e yili nfe na. Nɛ n wora kusɔ ko ŋ gbɛ to nna, kumo ere men kaŋɛ kulubi nɛ n wora na ashi Enyɛnpe Ebɔrɛ nɛ mbe ewura laraso na kikɛ be anishito. Wanɛ be kena ŋko kurma nɛ n daŋ suge? Wanɛ nɛ n daŋ puni ŋko m mɛaŋ? Wanɛ kutɔ nɛ n daŋ sɔ brɔbu? Nɛ fanɛ n wora asɔ ere be kekama nna, kumo ere meeŋ ka kumo be kukɔ.”