Levitikɔs 6:25 - EBƆRƐ BE KAWƆL

²⁵ “Kaŋɛ Ɛɛrɔn nɛ mbe mbinyɛnsobi fanɛ mbraana nɛ a wɔtɔ a yɔ kulubi be sarga be kaplɛa so nde: Kakpa nɛ baa mɔ sarga chɔɔso be kusɔbɔya na a daga b mɔ kulubi be sarga be kusɔbɔya gba. K la sarga cheembi ga nna.

Levitikɔs 6:25 ပူးပေါင်းရင်းမြစ်များ

Ezikɛl 42:13

Ndoŋ nna nɛ kanyɛn na kaŋɛ ma le: “Nwu anyɔ ere kikɛ la mboŋ cheembi nna. Amo to nɛ bɔrɛmatapoana nɛ baa luri a yɔ Enyɛnpe Ebɔrɛ na be anishito na beeŋ baa chena a ji esargajibi cheembi na. Ebuana na ka du cheembi so, ndoŋ nɛ bɔrɛmatapoana na beeŋ baa ta ayu be esarga nɛ alubi be esarga nɛ kewora n jija be esarga cheembiana na a wɔtɔ.

Levitikɔs 1:11

E beeŋ mɔ kusɔbɔya na bɔrɛsure na be kelargato be esoso ase, ashi Enyɛnpe Ebɔrɛ na be anishito, nɛ bɔrɛmatapo na e suse ŋklaŋ na ŋ ŋmanyaŋ bɔrɛsure na be mba ana na so ŋ kulti.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 1:5

Kumo be kaman nɛ e mɔ kumo Enyɛnpe Ebɔrɛ na be anishito nɛ Ɛɛrɔn be mbinyɛnsobi nɛ b la bɔrɛmatapoana na be beko e suse kumo be ŋklaŋ ŋ ŋmenyaŋ bɔrɛsure nɛ k wɔ Enyɛnpe be wajɛbu na be kabuna to na be mba ana na kikɛ so ŋ kulti.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 4:24

Ŋkpal k ka la kulubi be sarga so, e beeŋ ta mbe enɔ n deŋi kaboe na be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ esarga chɔɔso be asɔbɔya na.

Levitikɔs 4:29

E beeŋ ta mbe enɔ n deŋi kaboe na be kumu so nseŋ mɔ kumo ashi bɔrɛsure na be kelargato be esoso be kaba so be kakpa nɛ baa mɔ esarga chɔɔso be asɔbɔya na.

Levitikɔs 6:24

Ade kikɛ be kaman nɛ Enyɛnpe Ebɔrɛ na naŋ kaŋɛ Mosis,

Levitikɔs 6:29

Bɔrɛmatapo be kanaŋ to be kusɔnyɛn nawule e naaŋ tiŋ n ji loŋ be sarga na. K la sarga cheembi ga nna.

Levitikɔs 7:7

Mbra koŋwule e deŋ kulubi be sarga nɛ kewora n jija be sarga na kikɛ so. Kumo be eblaŋ la bɔrɛmatapoana nɛ baa yili basa be katelamu to a lara amo na peya nna.