Levitikɔs 6:21 - EBƆRƐ BE KAWƆL

²¹ Baaŋ ta ɔlif be ŋku m baga nyifu n to mansaŋ. Kumo be kaman nɛ b pupur amo to n lara sarga fanɛ ayu be sargajibi nɛ amo be efɛa bee par Enyɛnpe Ebɔrɛ na.

Levitikɔs 6:21 ပူးပေါင်းရင်းမြစ်များ

1 Kronikɛls 23:29

Bumo koŋwule na e naaŋ naa keni bodobodo nɛ b ta n lara sarga n sa Enyɛnpe Ebɔrɛ na, nɛ nyifu nɛ b kɔ a lara sarga na nɛ ekrakashi nɛ a maaŋ kɔ yiisi na so, nsaa wora bodobodo nɛ baa ta n lara sarga na. Bumo koŋwule na e naa karga kusɔ kama, nsaa ta duwu nɛ asɔ warabi nɛ nyifu nɛ ɔlif be ŋku a wea abar to a wora asɔ ashi bɔrɛlambu na to.

1 Kronikɛls 9:31

Matatiya nɛ e la Shallɔm pibinyɛn nimuso nsaa la Livai nseŋ shi Koora be kabuna na be kushuŋ e daa la kebaawora bodobodo nɛ baa ta a lara sarga a sa Ebɔrɛ na.

Levitikɔs 11:33

Nɛ amo be kekama wu n tɔr kapuya to, kusɔ kikɛ nɛ k wɔ kumo to beeŋ wora eyurpi nseŋ daga fanɛ men bure kapuya na.

Levitikɔs 15:12

Kapuya kama nɛ kanyɛn na beta daga kebure nɛ e beta kusɔ kama nɛ b ta kedibi n shɛl malɛ, a daga fanɛ b fɔr kumo so.

Levitikɔs 2:5

Nɛ fanɛ b ta ayu na a wora abuibi nna, kumo ere b ta nyifu nɛ a pe nɛnɛ nseŋ ta ɔlif be ŋku n wea amo to n wora nɛ e sa maa kɔ yiisi.

Levitikɔs 6:22

Yili jemanɛ ere a yɔ ekama nɛ e beeŋ shi Ɛɛrɔn be kanaŋ to m ba ki Bɔrɛmatapo Nimuso daga e ka lara sarga ere nna. A daga fanɛ b chɔɔ sarga na kikɛ nyam nna n sa Enyɛnpe Ebɔrɛ na.

Levitikɔs 7:12

Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo.

Levitikɔs 7:9

Ayu be sargajibi kama fanɛ bodobodo ŋko mansaŋ gba la bɔrɛmatapo nɛ e lara kumo na peya nna.