Levitikɔs 6:20 - EBƆRƐ BE KAWƆL

²⁰ “Kachɛ nɛ baaŋ ta kabɔrɛmata be kushuŋ n sa bumo na, le be sarga nɛ Ɛɛrɔn nɛ mbe mbinyɛnsobi beeŋ bar Enyɛnpe Ebɔrɛ na be anishito. Nyifu kurwa koŋwule be bɔlɔ fanɛ kananɛ ayu be sargajibi be nyifu nɛ baa sa na du na. Baaŋ bar bargato kachipurso nseŋ bar bargato kaaseso.

Levitikɔs 6:20 ပူးပေါင်းရင်းမြစ်များ

1 Kronikɛls 23:29

Bumo koŋwule na e naaŋ naa keni bodobodo nɛ b ta n lara sarga n sa Enyɛnpe Ebɔrɛ na, nɛ nyifu nɛ b kɔ a lara sarga na nɛ ekrakashi nɛ a maaŋ kɔ yiisi na so, nsaa wora bodobodo nɛ baa ta n lara sarga na. Bumo koŋwule na e naa karga kusɔ kama, nsaa ta duwu nɛ asɔ warabi nɛ nyifu nɛ ɔlif be ŋku a wea abar to a wora asɔ ashi bɔrɛlambu na to.

Ɛksodɔs 16:36

Bumo be kusɔ karga asɔ nɛ b daa tre omɛr na daa sa fanɛ kurwa nna.

Ɛksodɔs 29:2

Men ta ayunyifu nɛ a pe nɛnɛ n wora bodobodo nɛ a maŋ kɔ yiisi. Men ta ɔlif be ŋku n wora bodobodo na be ako nseŋ wora ako malɛ loŋ, nseŋ ta nyifu na be ako malɛ n wora ekrakashi n ta ɔlif be ŋku n wurge amo so.

Levitikɔs 23:13

Menyi alɛ beeŋ ta nyifu fanɛ kurwa anyɔ n wora ɔlif be ŋku m baga amo n lara ayu be sargajibi. Le be sarga ere be efɛa e naa par Enyɛnpe Ebɔrɛ na. Menyeeŋ naŋ ta yabra belbelso fanɛ ekɔlba anyɔ n ti so n lara sarga na.

Levitikɔs 5:1

Nɛ Enyɛnpe Ebɔrɛ na naŋ kaŋɛ: “Nɛ fanɛ esa wu kusɔ ko ŋko n nu kesheŋ ko nɛ a daga e ka ji kumo be shɛda ashi demujikpa nɛ e kini, e wora kulubi nna na nseŋ daga kasogberge.

Levitikɔs 5:11

Ama nɛ fanɛ esa na maŋ kɔ elepɔ anyɔ ŋko ali anyɔ na gba, e bar nyifu nɛ b kɔr nɛ e pe nɛnɛ be kurwa be bɔlɔ m ba lara kulubi be sarga na. E sa maŋ kaŋ ta ɔlif be ŋku m baga amo ŋko n ta duwu n ti amo so, ŋkpal manɛ so, k la kulubi be sarga nna.

Levitikɔs 6:11

Kumo be kaman nɛ e gbaŋ kabɔrɛmata be epiŋi na n nase nseŋ ta piŋi pɔtɛ m buu pɔɛŋ nseŋ muu nsunɔ na n lar keeyi na to n ya lɛ kakpa nɛ k daga.

Levitikɔs 6:19

Ade be kaman nɛ Enyɛnpe Ebɔrɛ na naŋ kaŋɛ Mosis:

Nɔmbɛs 28:10

B baa lara le be sarga chɔɔ so ere Kewushiachɛ kikɛ n ti karechɛ kama be ayu nɛ yabra be esarga na so.

Nɔmbɛs 28:3

B ta nfɛ koko be ekpakpa anyɔ nɛ a maŋ kɔ ndulgi kikɛ n lara karechɛ kikɛ be ajibi be sarga chɔɔso.

Nɔmbɛs 4:16

Bɔrɛmatapo nimuso Ɛɛrɔn pibinyɛn, Eliaza e daga fanɛ e baa keni ŋku nɛ baa ta a wɔtɔ efitila na to nɛ eduwu nɛ esargajibi nɛ ŋku nɛfaso nɛ kusɔ kama nɛ k wɔ wajɛbu na to nsaa la Enyɛnpe Ebɔrɛ na peya na so.

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.