Levitikɔs 6:2 - EBƆRƐ BE KAWƆL

² “Nɛ esa wora kulubi nsaa maŋ ji kashenteŋ n sa Enyɛnpe Ebɔrɛ na ŋkpal e ka fule ŋko ŋ ku efɛ n suge mo kurgepo, Israɛl be esa be kusɔ ko nɛ e ta n sa mo fanɛ e yili ŋko n ya yuri ŋko m puni mo barkasa be kusɔ

Levitikɔs 6:2 ပူးပေါင်းရင်းမြစ်များ

Jɛnesis 26:7

Ama ŋkpal Aizek be eche be kebita so ndoŋ be benyɛn ko ka bishi mo mbe eche be asheŋ nɛ e kaŋɛ bumo fanɛ mo sipoche e la mo ŋkpal manɛ so, e daa lɔ kufu nna fanɛ nɛ e kaŋɛ bumo fanɛ mbe eche nna, baaŋ mɔ mo nseŋ ta eche na.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Aŋasa 24:28

Sa maŋ kaŋ ji efɛ be shɛda ŋ gbiti fo barkasa ŋko ŋ ku efɛ ŋ deŋi mo.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 33:1

Asheŋ maaŋ nyalɛ n sa an doŋana! B suge anyi be asɔ nseŋ naŋ debɔr anyi, ama esa kama maŋ naŋ suge bumo ere be asɔ ŋko debɔr bumo. Bumo be kasuge nɛ kedebɔr be jemanɛ beeŋ fo ekar nɛ beko malɛ e suge bumo be asɔ nseŋ debɔr bumo.

Jɛremaya 9:5

Baa gben bumo be amu nna a fin ekpa popɔr nɛ baŋ bɔla so m puni bumo teriana nna.

Ezikɛl 40:46

nɛ kumo nɛ kumo alɛ be anishito be shoŋi kelargato be esoso be kaba so na malɛ la bɔrɛmatapoana nɛ baa shuŋ bɔrɛsure na ase na peya. Zadɔk be kabuna ebi nɛ b shi Livai be yiri to na nawule e kɔ ekpa nɛ b shuŋ bɔrɛmatapoana be kushuŋ n sa Enyɛnpe Ebɔrɛ na.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Levitikɔs 5:19

K la kewora n jija be sarga nɛ e lara n sa Enyɛnpe Ebɔrɛ na ŋkpal kulubi nɛ e wora na so nna.”

Levitikɔs 6:1

Nɛ Enyɛnpe Ebɔrɛ na kaŋɛ Mosis le:

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

Habakuk 1:13

Ama fo maaŋ tiŋ a keni nɛ kulubi e baa wora a yɔ. Fo anishi du cheembi ga nɛ a baa wu asheŋ lubi. Ama fo wora shruum a keni basa lubi nɛ b maŋ kɔ yirda ere nɛ baa mur basa nɛ b niŋi a chɔ bumo.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Ashuŋ Shunso 5:4

Kusɔ nɛ fo fa na daa maa la feya nna nɛ fo fa kumo n nya amansherbi na a? Nɛ a ji nuso nɛ kusɔ nɛ fo wora ere be nfɛra ba fo kagbene to? Mannɛ enyiŋgbasa nɛ fo fule, Ebɔrɛ nɛ fo fule!”

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Kɔlɔsiebi 3:9

Men sa maa fule abar, ŋkpal manɛ so, men lar men be kebaawɔtɔ dra nɛ k daa shin nɛ menyee wora alubi na to

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.