Levitikɔs 6:16 - EBƆRƐ BE KAWƆL

^16-17 Kumo be kaman nɛ bɔrɛmatapoana na e ta amo nɛ a ka na n wora bodobodo nɛ yiisi maŋ wɔ amo to n we ashi wajɛbu na be kelɔnɛ cheembi na so. Enyɛnpe Ebɔrɛ na e ta amo n sa bumo nɛ a baa la bumo be ayu be sargajibi to be kachige. Kananɛ kulubi nɛ kewora n jija be esarga du cheembi na nɛ bodobodo na gba du.

Levitikɔs 6:16 ပူးပေါင်းရင်းမြစ်များ

2 Kronikɛls 31:14

Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ezikɛl 44:29

Ayu be esarga nɛ kulubi be esarga nɛ kewora n jija be esarga kikɛ beeŋ baa la bɔrɛmatapoana be asɔ jiso nna. Kumo be kaman, kusɔ kama nɛ b kɛ ma ashi Israɛl to kikɛ gba la bumo peya nna.

Levitikɔs 2:3

Amo be amo nɛ a beeŋ ka kusɔ to na kikɛ la bɔrɛmatapoana na peya nna. Amo alɛ la ajibi nɛ a du cheembi ga nna ŋkpal a ka shi ajibi nɛ b ta n lara sarga n sa Enyɛnpe Ebɔrɛ na to so.

Levitikɔs 5:13

Kananɛ bɔrɛmatapo na beeŋ lara esa na be kulubi be sarga nɛ e nya ketampaŋ nna na. Nyifu nɛ a beeŋ ka na la bɔrɛmatapo na peya nna fanɛ kananɛ ayu be sargajibi be nyifu la mo peya na.”

Levitikɔs 6:23

Sargajibi kama nɛ bɔrɛmatapo beeŋ lara daga kechɔɔ m mur nna. A maŋ daga b ka ji kumo be shɛŋ.”

Levitikɔs 6:26

Bɔrɛmatapo nɛ e beeŋ lara kumo na beeŋ we kumo be eblaŋ na ashi wajɛbu na be kelɔnɛ nɛ k la kakpa cheembi na so.

Nɔmbɛs 18:8

Kede be kaman nɛ Enyɛnpe Ebɔrɛ naŋ kaŋɛ Ɛɛrɔn le: “Baa nyiŋi fanɛ sarga nɛ b maaŋ chɔɔ a sa ma na la fo nɛ fo kaman to ebi peya nna mbaanaayɔ.

1 Kɔrintebi 5:8

Amoso, men shin nɛ an ji Kebansonchoŋ be kejigboŋ na kumo be ekpa so, nɛ kekishi nɛ kulubi kama e sa maa wɔ anyi to, ama kelela nɛ kashenteŋ beeŋ baa wɔ anyi to.