Levitikɔs 6:10 - EBƆRƐ BE KAWƆL

¹⁰ Bɔrɛmatapo na malɛ daga e ta mbe kabɔrɛmata be piŋi m buu ŋ deŋi mbe danshiki so m ba koli sarga chɔɔso na be nsunɔ na m muu n nase bɔrɛsure na be kekel to.

Levitikɔs 6:10 ပူးပေါင်းရင်းမြစ်များ

Nshɛ 20:3

E nyiŋi fo esarga nɛ fo lara na kikɛ, nseŋ sɔ fo esarga chɔɔso.

Nshɛ 37:20

Ama belubiworapo, nɛ b la Ebɔrɛ mo doŋana na bre, beeŋ foe fanɛ kananɛ edishi bee shi edɛ to a lar a foe na.

Ezikɛl 44:19

Pɔɛŋ nɛ b lar n yɔ kowushina be kelɔnɛ na so ashi kakpa nɛ basa wɔ na, a daga fanɛ b lara epiŋi nɛ b buu a shuŋ bɔrɛlambu na to na n nase ebu cheembiana na to nna. Kumo be kaman nɛ b ta asɔbuuso pɔtɛ m buu n lar, saŋɛ na so bumo be asɔbuuso cheembi na maaŋ bar tɔrɔ basa so.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 16:4

E beeŋ bɛr nchu pɔɛŋ nseŋ ta mbe kabɔrɛmata be epiŋi tenteŋ m buu n deŋi kumo be danshiki so nseŋ ta wajɛchɛbi be kreso paŋgelambi na ŋ kre so nseŋ naŋ ta neemu m mɛa kumu.

Levitikɔs 2:11

Ayu be sarga kama nɛ menyeeŋ lara n sa Enyɛnpe Ebɔrɛ na maŋ daga e baa kɔ yiisi kumo to. Menyi alɛ e sa maŋ kaŋ ta yiisi ŋko mushoŋ n wea ayu be sarga kama to n chɔɔ n lara sarga n sa Enyɛnpe Ebɔrɛ na.

Levitikɔs 21:22

E beeŋ tiŋ n ji ajibi nɛ b ta n lara sarga n sa ma nɛ a ki cheembi nɛ amo nɛ a ki cheembi ga na kikɛ.

Levitikɔs 4:12

n lar keeyi na be ekarso n yɔ kakpa nɛ baa chulgi nsunɔ a lɛ na n ya chɔɔ amo ndibi so ndoŋ.

Levitikɔs 6:11

Kumo be kaman nɛ e gbaŋ kabɔrɛmata be epiŋi na n nase nseŋ ta piŋi pɔtɛ m buu pɔɛŋ nseŋ muu nsunɔ na n lar keeyi na to n ya lɛ kakpa nɛ k daga.

Levitikɔs 6:18

Ɛɛrɔn be kanaŋ to be benyɛn e naaŋ tiŋ n ji loŋ be ajibi na, ŋkpal manɛ so, a la bumo nɛ bumo be kenana be kachige nna ashi Enyɛnpe Ebɔrɛ na be ayu be sargajibi kama nɛ baa lara a sa mo to. Esa cheembi nawule e daga kebeta loŋ be ajibi na.”

Levitikɔs 6:22

Yili jemanɛ ere a yɔ ekama nɛ e beeŋ shi Ɛɛrɔn be kanaŋ to m ba ki Bɔrɛmatapo Nimuso daga e ka lara sarga ere nna. A daga fanɛ b chɔɔ sarga na kikɛ nyam nna n sa Enyɛnpe Ebɔrɛ na.

Levitikɔs 8:2

“Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Nɔmbɛs 16:21

“Men barga men be amu ashi basa na kutɔ saŋɛ na so, meeŋ mɔ bumo epul ere to.”

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 7:13

Ndoŋ nna nɛ bejuŋkparpoana na be eko bishi ma: “Nuso be basa e la basa nɛ b buu epiŋi fuful ere nɛ nnɛ nɛ b shi?”