Levitikɔs 5:7 - EBƆRƐ BE KAWƆL

⁷ Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Levitikɔs 5:7 ပူးပေါင်းရင်းမြစ်များ

Levitikɔs 12:6

Nchɛ nɛ eche na beeŋ ta n nyalɛ so na kaŋ fo ekar, e beeŋ bar kpakpa nɛ k fo kafɛ koŋwule nɛ keli ŋko lepɔ m ba sa bɔrɛmatapo na ashi wajɛbu cheembi na be kabuna nɛ e ta kpakpa na n lara sarga chɔɔso nseŋ ta keli ŋko lepɔ na n lara kulubi be sarga.

Levitikɔs 12:8

Nɛ eche na maaŋ tiŋ n nya kpakpafɔlbi na, e beeŋ bar ali anyɔ ŋko elepɔ anyɔ, nɛ kukoŋwule e baa la sarga chɔɔso peya nɛ kenyɔsopo na e baa la kulubi be sarga peya. Nɛ bɔrɛmatapo na e ta amo n lara kenyalɛso be sarga nɛ eche na e nyalɛ so daŋkare be ekpa so.”

Levitikɔs 14:30

Kumo be kaman nɛ bɔrɛmatapo na e ta ali na ŋko elepɔ na n lara

Levitikɔs 14:31

kulubi be sarga nseŋ ta amo nɛ a ka na n ti ayu be sargajibi so n lara sarga chɔɔso. Kananɛ bɔrɛmatapo na beeŋ wora kenyalɛso be kesheŋ wora na nna na.”

Levitikɔs 15:30

Bɔrɛmatapo na beeŋ ta mbuibi na be eko n lara kulubi be sarga nseŋ ta emo nɛ e ka na malɛ n lara sarga chɔɔso. Kananɛ e beeŋ wora eche na be kenyalɛso be kesheŋ wora nna na.

Levitikɔs 16:5

Israɛl be basa na kikɛ beeŋ sa Ɛɛrɔn mboenyɛn anyɔ nɛ e ta n lara kulubi be sarga nseŋ sa mo kpakpa malɛ nɛ e ta n lara sarga chɔɔso.

Levitikɔs 27:8

Nɛ esa nɛ e nase kɔnɔ na la etirpo nna nsaa maaŋ tiŋ ŋ ka kukɔ nɛ k dese na n tia kɔnɔ naseso na, bɔrɛmatapo na beeŋ ku kukɔ na so kananɛ amodoŋwura beeŋ tiŋ ŋ ka.

Levitikɔs 5:11

Ama nɛ fanɛ esa na maŋ kɔ elepɔ anyɔ ŋko ali anyɔ na gba, e bar nyifu nɛ b kɔr nɛ e pe nɛnɛ be kurwa be bɔlɔ m ba lara kulubi be sarga na. E sa maŋ kaŋ ta ɔlif be ŋku m baga amo ŋko n ta duwu n ti amo so, ŋkpal manɛ so, k la kulubi be sarga nna.

Levitikɔs 7:1

Kewora n jija be sarga la sarga cheembi nna. Mbraana nɛ a dese a laŋɛ kananɛ baa lara kumo be kaplɛa so nde:

Levitikɔs 9:3

Kumo be kaman nɛ fo kaŋɛ Israɛlebi na fanɛ b ta kaboenyɛn n lara kulubi be sarga nseŋ ta gbolu fɔlbi nɛ kpakpafɔlbi nɛ a ji nfɛ koko nsaa maa kɔ ndulgi kikɛ na n lara sarga chɔɔso n sa Enyɛnpe Ebɔrɛ na

Nɔmbɛs 5:6

e kaŋɛ Israɛlebi na fanɛ, esa kama nɛ e wora n da mo barkasa so wora n da mo Enyɛnpe Ebɔrɛ na gba so nna na.

Nɔmbɛs 6:10

Kumo be kachɛ burwasopo na nɛ e ta elepɔ anyɔ ŋko ali anyɔ m ba sa bɔrɛmatapo na ashi Enyɛnpe Ebɔrɛ na be wajɛbu na be kabuna to.

Nɔmbɛs 6:11

Ndoŋ nna nɛ bɔrɛmatapo na e ta mbuibi na be eko n lara kulubi be sarga nseŋ ta eko malɛ n lara sarga chɔɔso ŋ kule kulubi be ketampaŋ n sa bumo, ŋkpal esa ka wu mbe anishito so. Kumo be kamɔnchɛ kikɛ nɛ e naŋ ta mbe amu n yili cheembi n sa Ebɔrɛ,

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 21:12

Nɛ Yesu ya luri Ebɔrɛ be lambu na to n fara a ju bekama nɛ b daa tɔ nɛ bumo nɛ b daa fa asɔ bɔrɛlambu na to be kelɔnɛ so na kikɛ. E daŋ melgi bumo nɛ b daa chɛr amansherbi na be eteebɔl nɛ alifapoana be mbɛ nna m buu

Matiu 3:16

Jɔn ka bɛr Yesu kabɔrɛbɛr na n loge epul na to nɛ Yesu lar nchu na to. Ndoŋ nna nɛ esoso bugi nɛ e wu Ebɔrɛ be Kiyoyu ka bee gbelge a ba mo so fanɛ lepɔ na.

Luuk 2:24

Bumo alɛ daa naŋ yɔ nna nɛ b ya lara sarga nɛ Enyɛnpe be mbra na bee kaŋɛ fanɛ basa e baa ta, ali anyɔ ŋko elepɔbi anyɔ a lara na nna.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.