Levitikɔs 5:2 - EBƆRƐ BE KAWƆL

² Nɛ esa maŋ kute m beta kusɔbɔya wuso ŋko kusɔ ko nɛ k maŋ walɛ so daŋkare be ekpa so gba, amodoŋwura wora eyurpi nseŋ wora n da so nna na.

Levitikɔs 5:2 ပူးပေါင်းရင်းမြစ်များ

Nshɛ 19:12

Esa kikɛ maaŋ tiŋ m pin alubi nɛ e wora kikɛ. Ta ma alubi nɛ m maŋ kute n wora na m paŋ ma.

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Levitikɔs 11:11

Le be asɔ ere kikɛ la ekishi nna, a maŋ daga men ji ŋko m beta amo be kuwuso gba.

Levitikɔs 11:8

A maŋ daga men ka ji le be asɔbɔya ere ŋko m beta amo be kuwuso gba. Ŋkpal manɛ so, a la asɔbɔya nɛ a maŋ walɛ nna.

Levitikɔs 4:13

Nɛ fanɛ Israɛl be efuli na kikɛ e maŋ kute n wora kulubi n da Enyɛnpe Ebɔrɛ na be kusɔ nɛ e yili so gba, k kraa la kulubi nna nɛ b wora n jija ŋkpal kumo so.

Levitikɔs 5:17

Nɛ esa maŋ nyi nseŋ wora n da Enyɛnpe Ebɔrɛ na be mbraana nɛ e yili na be kekama so, e wora kulubi nna na nseŋ daga fanɛ e lara kumo be sarga.

Levitikɔs 5:3

Nɛ esa maŋ kute m beta kusɔ kama nɛ k bee shin nɛ dimɛdi bee wora eyurpi daŋkare be ekpa so gba, nseŋ ba pin kumo be loŋ, e wora n da so nna na.

Levitikɔs 5:4

Nɛ esa baaŋ bɔ ntaŋ alefasha so fanɛ e beeŋ wora kelela ŋko kulubi ko gba, nsaa maŋ wora loŋ, e wora n da so nna na.

Levitikɔs 7:21

Nɛ esa beta dimɛdi ŋko kusɔbɔya nɛ k maŋ walɛ so daŋkare be ekpa so nseŋ ji kɔnɔkoŋwule be sarga nɛ k la Enyɛnpe Ebɔrɛ na peya, amodoŋwura maŋ naŋ ti Ebɔrɛ be basa so.

Heegai 2:13

Ndoŋ nna nɛ Heegai bishi bumo, “Nɛ fanɛ esa wora eyurpi ŋkpal e ka beta ebuni so nseŋ beta ajibi, loŋ be ajibi na gba wora eyurpi a?” Nɛ bɔrɛmatapoana na kaŋɛ, “Mm, a wora eyurpi.”

Nɔmbɛs 19:22

Kusɔ kama nɛ esa nɛ e wora eyurpi daŋkare be ekpa so beta gba wora eyurpi. Esa kama nɛ mo alɛ beta kumo beeŋ wora eyurpi n ya fo kaaseso.

Luuk 11:44

Asheŋ maaŋ nyalɛ n sa menyi, ŋkpal manɛ so, men du fanɛ nchaŋ nɛ b maŋ dulgi nɛ basa maŋ nyi nsaa nite amo so na nna.”

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

Ditɛronɔmi 14:8

Men sa maŋ kaa ji epreku. Amo be alotobi barga to ama amo alɛ maa gbu apla, amoso a maŋ walɛ so. Men sa maa ji asɔbɔya ere be kekama ŋko m beta amo be kuwuso gba.