Levitikɔs 5:17 - EBƆRƐ BE KAWƆL

¹⁷ Nɛ esa maŋ nyi nseŋ wora n da Enyɛnpe Ebɔrɛ na be mbraana nɛ e yili na be kekama so, e wora kulubi nna na nseŋ daga fanɛ e lara kumo be sarga.

Levitikɔs 5:17 ပူးပေါင်းရင်းမြစ်များ

Nshɛ 19:12

Esa kikɛ maaŋ tiŋ m pin alubi nɛ e wora kikɛ. Ta ma alubi nɛ m maŋ kute n wora na m paŋ ma.

Levitikɔs 4:13

Nɛ fanɛ Israɛl be efuli na kikɛ e maŋ kute n wora kulubi n da Enyɛnpe Ebɔrɛ na be kusɔ nɛ e yili so gba, k kraa la kulubi nna nɛ b wora n jija ŋkpal kumo so.

Levitikɔs 4:22

Nɛ fanɛ eyiriana na be benimuana na to be eko e maŋ kute n wora kulubi n da kusɔ nɛ Enyɛnpe Ebɔrɛ na yili so gba, e kraŋ wora kulubi nna.

Levitikɔs 4:27

Nɛ fanɛ efuli na so be esa ko e maŋ kute n wora n da Enyɛnpe Ebɔrɛ na be kusɔ nɛ e yili so gba e kraŋ wora kulubi nna.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Levitikɔs 5:18

Amodoŋwura beeŋ bar kpakpa nɛ k maŋ kɔ ndulgi kikɛ m ba sa bɔrɛmatapo na fanɛ mbe kewora n jija be sarga. Bɔrɛmatapo na e naaŋ ŋini mo kusɔbɔya nɛ k daga fanɛ e bar. Kumo be kaman nɛ bɔrɛmatapo na e ta kusɔbɔya na n lara kulubi be sarga nɛ e nya kulubi nɛ e maŋ nyi nseŋ wora na be ketampaŋ.

Levitikɔs 5:19

K la kewora n jija be sarga nɛ e lara n sa Enyɛnpe Ebɔrɛ na ŋkpal kulubi nɛ e wora na so nna.”

Luuk 12:48

Ama kenya kama nɛ e maŋ nyi kusɔ nɛ mo nyɛnpe bee sha nseŋ wora asɔ nɛ baa kpal amo so ŋ kuya basa so, baaŋ kuya mo so gbrɛ. Esa kama nɛ b sa asɔ ga, amodoŋwura kutɔ nɛ baa tama kenya ga nɛ ekama malɛ nɛ b ta asɔ damta n wɔtɔ mbe enɔ to, mo kutɔ nɛ baa tama kenya ga.”

Romebi 14:23

Nɛ esa baa shin nɛ e ji kejibi kama nsaa wora shikashika nseŋ ji kumo, amodoŋwura wora n da so ashi Ebɔrɛ be anishito, ŋkpal manɛ so, e maŋ kɔ yirda kesheŋ nɛ e bee wora na to nna na. Kusɔ kama malɛ nɛ fo maŋ ta yirda n wora kumo la kulubi nna.