Levitikɔs 5:16 - EBƆRƐ BE KAWƆL

¹⁶ Esa na daga fanɛ e ka kukɔ nɛ b ku n sa mo na, nɛ kumo be ntuŋ nuso to be katuŋ koŋwule n ti so, n sa Enyɛnpe Ebɔrɛ na. Bɔrɛmatapo na nɛ e beeŋ ka amo n sa, nɛ mo alɛ e yili mbe katelamu to n ta kusɔbɔya na n lara kulubi be sarga nɛ e nya ketampaŋ.

Levitikɔs 5:16 ပူးပေါင်းရင်းမြစ်များ

Nshɛ 69:4

Basa nɛ b kishi ma kenyanyaŋɛso shibi a chɔ ma kumu so be emin. Ebɔrɛ, bedoŋ lubi nɛ baa fin ma nɛ b jija na shi alegaiso. Baa tintiŋ ma nna nɛ ŋ ka kusɔ nɛ m maŋ yuri be kukɔ.

Ɛksodɔs 22:1

Esa baŋ yuri kena m mɔ ŋko n fa, k daga fanɛ e ka ana anu, nɛ kubolpɔ malɛ nna, a daga e ka mbolpɔ ana n tal to.

Levitikɔs 22:14

Esa kama nɛ e maŋ shi bɔrɛmatapo be kanaŋ to nseŋ foe n ji ajibi na, a daga fanɛ e ka amo n sa bɔrɛmatapo na. Mo alɛ beeŋ ka amo be yawu be kalfa to be adunyɔ n ti so n sa bɔrɛmatapo.

Levitikɔs 27:13

Nɛ esa nɛ e bar kusɔbɔya na bee sha fanɛ e naŋ tɔ kumo nna, a daga fanɛ e ka kumo be yawu na nɛ kumo be ntuŋ anu so be katuŋ koŋwule n ti so.

Levitikɔs 27:15

Nɛ fanɛ esa nɛ e ta kowu na n nase kɔnɔ n sa Enɛnpe na, naa sha kelaŋɛ n tɔ kumo nna, a daga fanɛ e ka kowu na be yawu na nɛ kumo be ntuŋ anu so be katuŋ koŋwule n ti so pɔɛŋ nɛ k naŋ ki mo peya.

Levitikɔs 27:27

Nɛ kusɔbɔya pibi juŋkparso na la kusɔbɔya nɛ e maŋ walɛ so daŋkare be ekpa so n daga keta n lara sarga n sa Enyɛnpe Ebɔrɛ na, esa nɛ e lara mo na beeŋ tiŋ ŋ ka kusɔbɔya na be yawu nɛ kumo be ntuŋ anu so be katuŋ koŋwule n ti so n tɔ kumo n sa mbe kumu. Ama nɛ e maŋ tɔ kumo bre, baaŋ tiŋ n fa kumo kananɛ k daga n sa esa pɔtɛ.

Levitikɔs 27:31

Nɛ esa bee sha kelaŋɛ n tɔ amo be kekama, a daga fanɛ e ka kumo be yawu na nɛ kumo be ntuŋ anu so be katuŋ koŋwule n ti so.

Levitikɔs 4:20

Kananɛ e baa wora egbolu nɛ baa ta a lara kulubi be esarga na nɛ e beeŋ wora gbolu ere gba, saŋɛ na so e beeŋ lara basa na be kulubi be sarga nɛ b nya ketampaŋ.

Levitikɔs 4:26

E beeŋ chɔɔ kaboe na be nfɔ kikɛ fanɛ kananɛ e bee chɔɔ kɔnɔkoŋwule be sarga be kusɔbɔya be nfɔ na. Ekpa nɛ bɔrɛmatapo na beeŋ bɔla so n lara eyiri to be enimu be kulubi be sarga nɛ e nya ketampaŋ nna na.

Levitikɔs 5:10

Kumo alɛ be kaman nɛ bɔrɛmatapo na e ta kabuibi nyɔsopo na n lara sarga chɔɔso fanɛ kananɛ kumo be mbra bee ŋini na. Kananɛ bɔrɛmatapo na beeŋ lara sarga nɛ esa na e nya ketampaŋ nna na.

Levitikɔs 5:13

Kananɛ bɔrɛmatapo na beeŋ lara esa na be kulubi be sarga nɛ e nya ketampaŋ nna na. Nyifu nɛ a beeŋ ka na la bɔrɛmatapo na peya nna fanɛ kananɛ ayu be sargajibi be nyifu la mo peya na.”

Levitikɔs 5:6

nseŋ bar kubolpɔ cheso ŋko kaboeche Enyɛnpe Ebɔrɛ na be anishito m ba lara kulubi be sarga. Bɔrɛmatapo na e naaŋ yili esa na be katelamu to n lara sarga na.

Levitikɔs 7:2

Bɔrɛsure na be kelargato be esoso be kaba so na, kakpa nɛ baa mɔ esarga chɔɔso be asɔbɔya na, a daga b mɔ kewora n jija be sarga be kusɔbɔya na nseŋ ta kumo be ŋklaŋ ŋ ŋmenyaŋ bɔrɛsure na be mba ana na so ŋ kulti.

Nɔmbɛs 5:7

Amoso amodoŋwura daga fanɛ e bugi to ŋ kaŋɛ mbe kulubi nseŋ ka esa nɛ e wora n da so na be kusɔ kama nɛ e jija nɛ kumo kalfa to be adunyɔ so n ti so na n tal to.

Nɔmbɛs 5:8

Ama nɛ esa nɛ b wora n da so na wu nna nsaa maa kɔ ekurgepo kama nɛ baaŋ ka kukɔ na n sa, kumo ere asɔ na ki Enyɛnpe Ebɔrɛ peya na nna na nseŋ daga fanɛ b ta kpakpa nɛ baaŋ ta n lara alubi be ketampaŋ be sarga n ti amo so ŋ ka n sa bɔrɛmatapo na pɔɛŋ nɛ esa na e nya alubi be ketampaŋ.

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

1 Samuɛl 6:3

Nɛ b kaŋɛ le: “Nɛ men baa sha kebɛta kumo n yɔ kumo be kakpa nɛ k shi bre, kumo ere men fin sarga be kakɛ ko n ti so a ya kule alubi be ketampaŋ ŋkpal men ka suge kumo so. Loŋ na nɛ menyeeŋ pin kusɔ nɛ k ba nɛ Enyɛnpe Ebɔrɛ be kasogberge wɔ menyi so. Ŋkpal manɛ so, k maŋ daga b ka bɛta ŋkre be deka na n yɔ nɛ kakɛ maŋ ti kumo so.”