Levitikɔs 5:15 - EBƆRƐ BE KAWƆL

¹⁵ “Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Levitikɔs 5:15 ပူးပေါင်းရင်းမြစ်များ

2 Bewura 12:16

B daa maa ta amansherbi nɛ b ta n lara alubi be ketampaŋ nɛ kejintɔr be esarga na bre a wɔtɔ bɔrɛlambu be amansherbi be deka na to. B daa ta amo ere nna a sa bɔrɛmatapoana na.

Ɛzra 10:19

Bumo kikɛ daŋ nase nnɔ nna fanɛ baaŋ yige eyiri pɔtɛ nɛ b kɔ a kil na. Kumo be kaman nɛ bumo be ekama na ta kpakpa n lara sarga ŋ kule alubi be ketampaŋ.

Ɛksodɔs 30:13

Ekama nɛ e ti basa nɛ baa karga na so daga fanɛ e ka amansherbi fanɛ kananɛ baa ka lampo ashi Enyɛnpe Ebɔrɛ be wajɛbu na to na.

Ezikɛl 40:39

Eteebɔl ana e daa wɔ ebubi ere to. Amo be anyɔ daa yil kaba ko so nna nɛ anyɔ nɛ a ka malɛ daa yil kaba nyɔsopo so nɛ b daa mɔ esarga chɔɔso ŋko kulubi be sarga ŋko kewora n jija be sarga be asɔbɔya amo so.

Levitikɔs 1:10

Nɛ fanɛ esa na bee lara kubolpɔ ŋko kaboe nna, a daga k baa la kenyɛnso nɛ k maŋ kɔ ndulgi kikɛ kumo be eyur so.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 14:12

nseŋ ya ta kpakpafɔlbi na be kuko n ti ŋku kɔlba koŋwule nɛ bargato na so n lara kewora n jija be sarga. Kumo be kaman nɛ e maŋ amo so a ŋini fanɛ k la sargagboŋ nna n sa Enyɛnpe Ebɔrɛ na nɛ k bee yɔ bɔrɛmatapo na kutɔ.

Levitikɔs 27:3

Nɛ e la enyɛn nseŋ ji fanɛ nfɛ adunyɔ n ya fo nfɛ adeshe mbe kukɔ la gbiti be ndarbi adunu nna, nɛ eche kpar malɛ peya la gbiti be ndarbi adesa. Enyɛn fɔlbi nɛ e ji fanɛ nfɛ anu n ya fo nfɛ adunyɔ malɛ peya la gbiti be ndarbi adunyɔ nna. Eche fɔlbi malɛ peya la gbiti be ndarbi kudu nna, nɛ kebibi nyɛnso nɛ e maŋ naŋ fo nfɛ anu malɛ peya la gbiti be ndarbi anu. Kebibi nɛ e maŋ naŋ fo nfɛ anu peya la gbiti be ndarbi asa nna. Enyɛn kpar nɛ e fo nfɛ adeshe m baŋ so be kumu so be kukɔ la gbiti be ndarbi kuduanu nna, nɛ eche kpar nɛ e fo nfɛ adeshe m baŋ so malɛ peya la gbiti be ndarbi kudu.

Levitikɔs 4:2

“Kaŋɛ Israɛl be basa na fanɛ esa kikɛ nɛ e maŋ kute n wora kulubi n da Enyɛnpe Ebɔrɛ na be mbra so, kusɔ nɛ e beeŋ wora nde.

Levitikɔs 5:14

Kede be kaman nɛ Enyɛnpe Ebɔrɛ na naŋ yili le be mbra ere n sa Mosis:

Levitikɔs 5:16

Esa na daga fanɛ e ka kukɔ nɛ b ku n sa mo na, nɛ kumo be ntuŋ nuso to be katuŋ koŋwule n ti so, n sa Enyɛnpe Ebɔrɛ na. Bɔrɛmatapo na nɛ e beeŋ ka amo n sa, nɛ mo alɛ e yili mbe katelamu to n ta kusɔbɔya na n lara kulubi be sarga nɛ e nya ketampaŋ.

Levitikɔs 5:18

Amodoŋwura beeŋ bar kpakpa nɛ k maŋ kɔ ndulgi kikɛ m ba sa bɔrɛmatapo na fanɛ mbe kewora n jija be sarga. Bɔrɛmatapo na e naaŋ ŋini mo kusɔbɔya nɛ k daga fanɛ e bar. Kumo be kaman nɛ bɔrɛmatapo na e ta kusɔbɔya na n lara kulubi be sarga nɛ e nya kulubi nɛ e maŋ nyi nseŋ wora na be ketampaŋ.

Levitikɔs 6:6

Mo alɛ beeŋ naŋ lara kpakpa nɛ k maŋ kɔ ndulgi nɛ bɔrɛmatapo na beeŋ ŋini mo na.

Levitikɔs 7:1

Kewora n jija be sarga la sarga cheembi nna. Mbraana nɛ a dese a laŋɛ kananɛ baa lara kumo be kaplɛa so nde:

Levitikɔs 7:6

Bɔrɛmatapo be kanaŋ to be kusɔnyɛn kikɛ beeŋ tiŋ n ji sarga na, ama a daga b ji kumo kakpa cheembi nna. Ŋkpal manɛ so, k la sarga cheembi nna.

Nɔmbɛs 15:24

ŋkpal b ka maŋ nyi so, kumo ere a daga fanɛ kade na to ebi ka fin gbolu n lara sarga chɔɔso nɛ kumo be efɛa bee wora Enyɛnpe Ebɔrɛ na ebel nseŋ ta ayu nɛ yabra belbelso nɛ kaboelote n ti amo so n lara alubi be ketampaŋ be sarga.

Nɔmbɛs 5:5

Nɛ Enyɛnpe Ebɔrɛ naŋ kaŋɛ Mosis fanɛ

Nɔmbɛs 5:8

Ama nɛ esa nɛ b wora n da so na wu nna nsaa maa kɔ ekurgepo kama nɛ baaŋ ka kukɔ na n sa, kumo ere asɔ na ki Enyɛnpe Ebɔrɛ peya na nna na nseŋ daga fanɛ b ta kpakpa nɛ baaŋ ta n lara alubi be ketampaŋ be sarga n ti amo so ŋ ka n sa bɔrɛmatapo na pɔɛŋ nɛ esa na e nya alubi be ketampaŋ.

Ditɛronɔmi 12:26

Menyeeŋ baa ta menyi be esarga nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na a yɔ kakpa koŋwule nɛ e beeŋ lara n yili fanɛ men baa shuŋ mo na nna.

1 Samuɛl 6:3

Nɛ b kaŋɛ le: “Nɛ men baa sha kebɛta kumo n yɔ kumo be kakpa nɛ k shi bre, kumo ere men fin sarga be kakɛ ko n ti so a ya kule alubi be ketampaŋ ŋkpal men ka suge kumo so. Loŋ na nɛ menyeeŋ pin kusɔ nɛ k ba nɛ Enyɛnpe Ebɔrɛ be kasogberge wɔ menyi so. Ŋkpal manɛ so, k maŋ daga b ka bɛta ŋkre be deka na n yɔ nɛ kakɛ maŋ ti kumo so.”