Levitikɔs 5:11 - EBƆRƐ BE KAWƆL

¹¹ Ama nɛ fanɛ esa na maŋ kɔ elepɔ anyɔ ŋko ali anyɔ na gba, e bar nyifu nɛ b kɔr nɛ e pe nɛnɛ be kurwa be bɔlɔ m ba lara kulubi be sarga na. E sa maŋ kaŋ ta ɔlif be ŋku m baga amo ŋko n ta duwu n ti amo so, ŋkpal manɛ so, k la kulubi be sarga nna.

Levitikɔs 5:11 ပူးပေါင်းရင်းမြစ်များ

Ɛksodɔs 16:18

Ama b ka daŋ ber amo, bumo nɛ b daŋ muu ga ga na nɛ bumo nɛ b muu gbrɛgbrɛbi na kikɛ daŋ nya nna ŋ kukwe.

Ɛksodɔs 16:36

Bumo be kusɔ karga asɔ nɛ b daa tre omɛr na daa sa fanɛ kurwa nna.

Levitikɔs 1:14

Nɛ fanɛ kabuibi nɛ esa na kɔ a lara sarga na, a daga k baa la lepɔ ŋko keli.

Levitikɔs 12:8

Nɛ eche na maaŋ tiŋ n nya kpakpafɔlbi na, e beeŋ bar ali anyɔ ŋko elepɔ anyɔ, nɛ kukoŋwule e baa la sarga chɔɔso peya nɛ kenyɔsopo na e baa la kulubi be sarga peya. Nɛ bɔrɛmatapo na e ta amo n lara kenyalɛso be sarga nɛ eche na e nyalɛ so daŋkare be ekpa so.”

Levitikɔs 14:21

Ama nɛ e la etirpo nna nsaa maaŋ tiŋ n nya ade kikɛ, e bar kpakpa koŋwule nseŋ ta nyifu nɛ b baga amo ŋku be kurwa koŋwule nɛ bargato nɛ a baa la ayu be sargajibi n ti so m ba lara kewora n jija be sarga nseŋ maŋ kumo so a ŋini fanɛ k la sargagboŋ nna n sa Enyɛnpe Ebɔrɛ na nsaa yɔ bɔrɛmatapo na kutɔ.

Levitikɔs 27:8

Nɛ esa nɛ e nase kɔnɔ na la etirpo nna nsaa maaŋ tiŋ ŋ ka kukɔ nɛ k dese na n tia kɔnɔ naseso na, bɔrɛmatapo na beeŋ ku kukɔ na so kananɛ amodoŋwura beeŋ tiŋ ŋ ka.

Levitikɔs 5:12

Esa na beeŋ bar nyifu na bɔrɛmatapo na kutɔ nɛ mo alɛ e jɔ amo be enɔ be bɔlɔ shɛda so a ŋini fanɛ amo kikɛ nɛ b ta n lara sarga n sa Enyɛnpe Ebɔrɛ na. Kumo be kaman nɛ e chɔɔ amo nɛ e jɔ na bɔrɛsure na so. Ŋkpal manɛ so, k la kulubi be sarga nna.

Levitikɔs 5:6

nseŋ bar kubolpɔ cheso ŋko kaboeche Enyɛnpe Ebɔrɛ na be anishito m ba lara kulubi be sarga. Bɔrɛmatapo na e naaŋ yili esa na be katelamu to n lara sarga na.

Levitikɔs 5:9

Kumo be kaman nɛ e wora ŋklaŋ na be ako ŋ ŋmenyaŋ danyaŋ be bɔrɛsure na be akel so nseŋ shin nɛ ŋklaŋ nɛ a ka na a chise n wurge bɔrɛsure na be kaseto. Ŋkpal manɛ so, k la kulubi be sarga nna.

Levitikɔs 6:20

“Kachɛ nɛ baaŋ ta kabɔrɛmata be kushuŋ n sa bumo na, le be sarga nɛ Ɛɛrɔn nɛ mbe mbinyɛnsobi beeŋ bar Enyɛnpe Ebɔrɛ na be anishito. Nyifu kurwa koŋwule be bɔlɔ fanɛ kananɛ ayu be sargajibi be nyifu nɛ baa sa na du na. Baaŋ bar bargato kachipurso nseŋ bar bargato kaaseso.

Nɔmbɛs 5:15

kumo ere, k daga enyɛn na ka keta eche na nseŋ ta aboyunyifu kurwa koŋwule n ti so n yɔ bɔrɛmatapo kutɔ n ya sulge eche na so. Ama a maŋ daga e ka ta ɔlif be ŋku ŋko duwu n ti amo so, ŋkpal manɛ so, kukɔrkɔ be kesulge be sarga nna.

Luuk 2:24

Bumo alɛ daa naŋ yɔ nna nɛ b ya lara sarga nɛ Enyɛnpe be mbra na bee kaŋɛ fanɛ basa e baa ta, ali anyɔ ŋko elepɔbi anyɔ a lara na nna.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 9:22

Kashenteŋto malɛ, mbra na bee ŋini fanɛ ŋklaŋ nɛ baa ta a fɔr asɔ be galeŋga so, nɛ ŋklaŋ malɛ baa maŋ lar, Ebɔrɛ be keta alubi m paŋ basa maŋ wɔtɔ.