Levitikɔs 4:6 - EBƆRƐ BE KAWƆL

⁶ n ya ta mbe keshilbi n nyɔ ŋklaŋ to ŋ ŋmenyaŋ patisa nɛ k bee kuŋ kɔnɔkoŋwule be ŋkre be deka na ase ale ashunu ashi Enyɛnpe Ebɔrɛ na be anishito.

Levitikɔs 4:6 ပူးပေါင်းရင်းမြစ်များ

Ɛksodɔs 40:21

Kumo be kaman nɛ e shin nɛ b ta kɔnɔkoŋwule be ŋkre be deka na m ba yili Ebɔrɛ be wajɛbu na to n shin nɛ b chɛ patisa kuŋso na ŋ kuŋ kumo so fanɛ kananɛ Enyɛnpe Ebɔrɛ kaŋɛ mo na.

Ɛksodɔs 40:26

Mosis daŋ shin nna nɛ b ta shuwa be bɔrɛsure na n yili patisa kuŋso na be anishito ashi Enyɛnpe be wajɛbu na to

Levitikɔs 14:16

nseŋ ta mbe enɔjiso be keshilbi n nyɔ ŋku na to ŋ ŋmenyaŋ ale ashunu ashi Enyɛnpe Ebɔrɛ na be anishito.

Levitikɔs 14:18

Bɔrɛmatapo na kaŋ loge, e beeŋ ta ŋku nɛ a ka mbe enɔ to na ŋ gbiti esa nɛ baa sha e nyalɛ so na be kumu to nseŋ ta asɔbɔya anyɔ nɛ b ka na be ako n lara kulubi be sarga nɛ ayu be sargajibi nɛ k bee par Enyɛnpe Ebɔrɛ na. Kananɛ e beeŋ wora nɛ esa na e nyalɛ so nna na.

Levitikɔs 14:27

nseŋ ta mbe enɔjiso be keshilbi shoduuso na n nyɔ amo to ŋ ŋmenyaŋ kasawule ashi Enyɛnpe Ebɔrɛ na be anishito ale shunu.

Levitikɔs 14:7

ŋ ŋmenyaŋ esa nɛ baa sha e ka nyalɛ so ashi mbe kulɔ lubi to na so ale shunu. Kumo be kaman nɛ bɔrɛmatapo na e shin nɛ mo nɛ ekama e pin fanɛ e nyalɛ so nseŋ yige kabuibi nyɔsopo na to nɛ e firgi n yɔ kupuŋ to.

Levitikɔs 16:14

Kumo be kaman nɛ e suse ŋklaŋ na be ako n ta mbe keshilbi n nyɔ amo to ŋ ŋmenyaŋ kɔnɔkoŋwule be ŋkre be deka na be buuso so nseŋ wora amo ŋ ŋmenyaŋ kumo be anishito ale shunu.

Levitikɔs 16:19

E beeŋ ta mbe keshilbi n nyɔ ŋklaŋ na to ŋ ŋmenyaŋ bɔrɛsure na so ale ashunu. Kananɛ e beeŋ wora nɛ bɔrɛsure na e nyalɛ so ashi Israɛl be basa na be alubi to nseŋ shin nɛ k ki cheembi nna na.

Levitikɔs 25:8

Men karga nfɛnshunu be ntuŋ ashunu. K ki fanɛ nfɛ adena nɛ akpanu nna na.

Levitikɔs 26:18

Ade kikɛ be kaman, nɛ men kraa maŋ wora ma kasonu, meeŋ shin nɛ menyi be kasogberge e ti so ale shunu.

Levitikɔs 26:24

kumo ere meeŋ baa kraa la men doŋ nseŋ shin nɛ menyi be kasogberge a ti so ale shunu a chɔ dra na peya.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Levitikɔs 4:17

n ya ta mbe keshilbi n nyɔ ŋklaŋ na to ŋ ŋmenyaŋ patisa nɛ k bee kuŋ kɔnɔkoŋwule be ŋkre be deka na be anishito ale shunu.

Levitikɔs 4:25

Kumo be kaman nɛ bɔrɛmatapo na e suse ŋklaŋ na be eko n ta mbe keshilbi n nyɔ amo to ŋ gbiti bɔrɛsure na be mba ana na be nnɔso nseŋ chulgi amo nɛ a ka na n wurge bɔrɛsure na be kaseto.

Levitikɔs 4:30

Bɔrɛmatapo na beeŋ ta mbe keshilbi n nyɔ kusɔbɔya na be ŋklaŋ to n wora amo ŋ gbiti bɔrɛsure na be mba ana na be nnɔso nseŋ chulgi amo nɛ a ka na n wurge kumo be kaseto.

Levitikɔs 4:34

Kumo be kaman nɛ bɔrɛmatapo na e suse kumo be ŋklaŋ na be ako n ta keshilbi n nyɔ amo to ŋ gbiti bɔrɛsure na be mba ana na be nnɔso so nseŋ chulgi amo nɛ a ka na n wurge kumo be kaseto.

Levitikɔs 8:11

Kumo be kaman nɛ e naŋ wora ŋku nɛfaso na be ako ŋ ŋmenyaŋ bɔrɛsure na nɛ kumo be echeenshi nɛ danyaŋ be cheenshigboŋ na nɛ kumo be ketɔl kikɛ so ale shunu nɛ amo kikɛ ki cheembi.

Levitikɔs 8:15

Kumo be kaman nɛ Mosis mɔ kumo n suse ŋklaŋ na nseŋ ta mbe keshilbi n nyɔ amo to n do n do bɔrɛsure na be alambɛ ana na be nnɔso so nɛ k ki cheembi. Kumo be kaman nɛ e chulgi ŋklaŋ nɛ a ka na n wurge bɔrɛsure na be kaseto. Kananɛ e wora nɛ bɔrɛsure na ki cheembi nɛ b baa lara kulubi be esarga kumo so nna na.

Levitikɔs 9:9

Nɛ mbe mbinyɛnsobi na suse kumo be ŋklaŋ m bar mo nɛ e ta keshilbi n nyɔ amo to ŋ gbiti bɔrɛsure na be alambɛ ana na be nnɔso nseŋ chulgi ŋklaŋ nɛ a ka na n wurge bɔrɛsure na be kaseto.

Nɔmbɛs 19:4

Nɛ Eliaza e suse kumo be ŋklaŋ na be ako n ta keshilbi n nyɔ amo to ŋ ŋmenyaŋ wajɛbu na be kaba so ale ashunu.

Joshuwa 6:4

Men ta ŋkre be deka na nseŋ shin nɛ bɔrɛmatapoana na be basa ashunu e ta kpakpa be alambɛ be mbel juŋkpar kumo saŋɛ nɛ menyee kulti kade na. Kachɛ shunusopo na nɛ men kikɛ e nite ŋ kulti kade na ale ashunu nɛ bɔrɛmatapoana na malɛ e baa foŋ bumo be mbel na.

Joshuwa 6:8

Joshuwa ka malga n sa basa na n loge nɛ benapo ko juŋkpar nɛ bɔrɛmatapoana nɛ baa foŋ mbel na bɛ so n ta bumo nɛ b sulɔ Enyɛnpe Ebɔrɛ be ŋkre be deka na malɛ bɛ so nɛ benapo ko malɛ naŋ bɛ bumo nɛ b sulɔ ŋkre be deka na so. Le be jemanɛ ere so kikɛ malɛ nɛ baa foŋ mbel na.