Levitikɔs 4:3 - EBƆRƐ BE KAWƆL

³ Nɛ fanɛ Bɔrɛmatapo Nimuso e wora kulubi nɛ k suse basa na kikɛ, e beeŋ bar gbolu fɔlbi nɛ e maŋ kɔ ndulgi kikɛ kumo so m ba lara sarga n sa Enyɛnpe Ebɔrɛ na ŋkpal mbe kulubi na so.

Levitikɔs 4:3 ပူးပေါင်းရင်းမြစ်များ

2 Kronikɛls 29:21

B daŋ bar egbolu ashunu nɛ ekpakpa ashunu nɛ ekpakpafɔlbi ashunu nɛ mboe ashunu nna fanɛ b ta n lara Hɛzekaya nɛ mbe kanaŋ nɛ Juda be basa be alubi be ketampaŋ be sarga nseŋ fɔr bɔrɛlambu na gba so daŋkare be ekpa so. Kede be kaman nɛ Hɛzekaya kaŋɛ bɔrɛmatapoana nɛ b la Ɛɛrɔn be kaman to ebi na fanɛ b ta loŋ be asɔbɔya na n lara sarga bɔrɛsure na so.

Ɛzra 8:35

Basa nɛ b daŋ bɛta m ba na kikɛ daŋ bar esarga nna m ba chɔɔ n sa Israɛl be Ebɔrɛ na. B daŋ yili Israɛlebi kikɛ be katelamu to nna n ta egbolu kudu anyɔ nɛ ekpakpa adekpanu nɛ ashe nɛ ekpakpafɔlbi adushunu nɛ ashunu n lara sarga. Kumo be kaman nɛ b ta mboe kudu anyɔ n lara sarga ŋ kule alubi be ketampaŋ. B daŋ chɔɔ le be asɔbɔya ere kikɛ nna n lara sarga n sa Enyɛnpe Ebɔrɛ na.

Ɛksodɔs 29:14

Ama men yɛr gbolu na be eblaŋ nɛ kawɔl nɛ apumbi bre keeyi na be ekarso n ya chɔɔ. Loŋ be sarga na e naa bar bɔrɛmatapoana be alubi be ketampaŋ na.

Ɛksodɔs 29:21

Kede malɛ be kaman nɛ men nyia bɔrɛsure na so be ŋklaŋ na be ako n wea ŋku nɛfaso na be ako to ŋ ŋmenyaŋ Ɛɛrɔn nɛ bibinyɛn na nɛ bumo be asɔbuusoana kikɛ so. Saŋɛ na so Ɛɛrɔn nɛ mbe bibinyɛnana na beeŋ ki ma, Ebɔrɛ be basa laraso nɛ bumo be asɔbuuso e ki asɔ cheembi ashi ma anishito.

Ɛksodɔs 29:7

Asɔ buuso na be kaman, nɛ men ta ŋku nɛfaso na n do Ɛɛrɔn be kumu so nɛ e ki Ebɔrɛ be esa laraso.

Ɛksodɔs 30:10

Kafɛ kikɛ malɛ a daga fanɛ Ɛɛrɔn e ta asɔbɔya nɛ b ta n lara kulubi be sarga na be ŋklaŋ n do bɔrɛsure na so kela koŋwule nɛ k ki cheembi. Le be kesheŋ ere la kusɔ nɛ menyi nɛ menyi be kaman to ebi beeŋ baa wora nna hale mbaanaayɔ. Bɔrɛsure ere la kusɔ cheembi nna n sa ma, Eyɛnpe Ebɔrɛ na.”

Ezikɛl 40:39

Eteebɔl ana e daa wɔ ebubi ere to. Amo be anyɔ daa yil kaba ko so nna nɛ anyɔ nɛ a ka malɛ daa yil kaba nyɔsopo so nɛ b daa mɔ esarga chɔɔso ŋko kulubi be sarga ŋko kewora n jija be sarga be asɔbɔya amo so.

Ezikɛl 43:19

Bɔrɛmatapoana nɛ b shi Livai be yiri to nsaa la kanyɛn nɛ baa tre Zadɔk na be kanaŋ to be basa nawule e naŋ tiŋ m ba ma anishi to m ba shuŋ ma. Ma, Enyɛnpetale Ebɔrɛ na be mbra nna na. Menyeeŋ sa bumo gbolu fɔlbi nɛ b ta n lara kulubi be sarga.

Ezikɛl 44:27

nseŋ yɔ bɔrɛlambu na be epunto be kelɔnɛ na to n ya lara sarga nɛ k beeŋ shin nɛ e nyalɛ so, saŋɛ na so e beeŋ naŋ tiŋ a shuŋ bɔrɛlambu na to. Ma, Enyɛnpetale Ebɔrɛ na, e kaŋɛ na.

Levitikɔs 1:10

Nɛ fanɛ esa na bee lara kubolpɔ ŋko kaboe nna, a daga k baa la kenyɛnso nɛ k maŋ kɔ ndulgi kikɛ kumo be eyur so.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Levitikɔs 16:11

Ɛɛrɔn kaŋ ta gbolu na n lara mo nɛ mbe kanaŋ be alubi be sarga n loge,

Levitikɔs 16:3

Pɔɛŋ nɛ e luri acheembiana to be kakpa cheembi na, a daga fanɛ e ta gbolu fɔlbi n lara kulubi be sarga nɛ kpakpafɔlbi malɛ n lara sarga chɔɔso.

Levitikɔs 16:5

Israɛl be basa na kikɛ beeŋ sa Ɛɛrɔn mboenyɛn anyɔ nɛ e ta n lara kulubi be sarga nseŋ sa mo kpakpa malɛ nɛ e ta n lara sarga chɔɔso.

Levitikɔs 16:6

E beeŋ ta gbolu n lara mo nɛ mbe kanaŋ be alubi be ketampaŋ be sarga.

Levitikɔs 4:14

B baŋ pin kulubi na be asheŋ, a daga fanɛ b ta gbolu fɔlbi n lara kulubi be sarga. Baaŋ bar gbolu na wajɛbu na to ashi Enyɛnpe Ebɔrɛ na be anishito.

Levitikɔs 4:23

E baŋ pin kulubi na be asheŋ, e beeŋ ta kaboenyɛnso nɛ k maŋ kɔ ndulgi kikɛ n lara sarga.

Levitikɔs 4:28

Nɛ e baŋ pin kulubi nɛ e wora na be asheŋ, e beeŋ ta kaboeche nɛ k maŋ kɔ ndulgi kikɛ n lara kulubi nɛ e wora na be sarga.

Levitikɔs 4:5

Kumo be kaman nɛ Bɔrɛmatapo Nimuso na e suse ŋklaŋ na be eko n luri wajɛbu na to

Levitikɔs 5:6

nseŋ bar kubolpɔ cheso ŋko kaboeche Enyɛnpe Ebɔrɛ na be anishito m ba lara kulubi be sarga. Bɔrɛmatapo na e naaŋ yili esa na be katelamu to n lara sarga na.

Levitikɔs 6:18

Ɛɛrɔn be kanaŋ to be benyɛn e naaŋ tiŋ n ji loŋ be ajibi na, ŋkpal manɛ so, a la bumo nɛ bumo be kenana be kachige nna ashi Enyɛnpe Ebɔrɛ na be ayu be sargajibi kama nɛ baa lara a sa mo to. Esa cheembi nawule e daga kebeta loŋ be ajibi na.”

Levitikɔs 8:12

Ade be kaman nɛ e wora ŋku nɛfaso na be ako n do Ɛɛrɔn be kumu so nɛ mo e ki Ebɔrɛ be esa laraso.

Levitikɔs 9:2

nɛ e kaŋɛ Ɛɛrɔn le: “Fin gbolu fɔlbi nɛ kpakpa nɛ a maŋ kɔ ndulgi nseŋ ta gbolu fɔlbi na n lara kulubi be sarga, n ta kpakpa na malɛ n lara sarga chɔɔso n sa Enyɛnpe Ebɔrɛ na.

Levitikɔs 9:3

Kumo be kaman nɛ fo kaŋɛ Israɛlebi na fanɛ b ta kaboenyɛn n lara kulubi be sarga nseŋ ta gbolu fɔlbi nɛ kpakpafɔlbi nɛ a ji nfɛ koko nsaa maa kɔ ndulgi kikɛ na n lara sarga chɔɔso n sa Enyɛnpe Ebɔrɛ na

Nɔmbɛs 16:22

Ama Mosis nɛ Ɛɛrɔn bre daŋ gbir nna ŋ kurgi amu n yuu to nseŋ kaŋɛ le: “O Ebɔrɛ, fo e naa sa anyi ŋkpa. Feeŋ shuli n nya agbo n wɔtɔ basa ere kikɛ ŋkpal esa koŋwule be kulubi so a?”

Nɔmbɛs 8:8

Kede be kaman nɛ fo shin nɛ b bar egbolu fɔlbi anyɔ nɛ ayu nyifu nɛ b ta ɔlif be ŋku m baga amo.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 5:3

Ŋkpal loŋ so Ebɔrɛ nase kumo nna fanɛ e lara sarga. Mannɛ ŋkpal basa pɔtɛ be alubi nawule so, ama ŋkpal mo alɛ gbagba peya gba so.

Hibruwebi 9:12

E ka daŋ luri lambu na to kela koŋwule pati na, mannɛ mboe nɛ anabi be ŋklaŋ nɛ e daŋ ta n luri ndoŋ. Mo gbagba be ŋklaŋ nɛ e daŋ ta n luri acheembiana to be kakpa cheembi na to n ya nya kesɔnyige be kebaawɔtɔ nɛ k maŋ kɔ ekar na n sa anyi.