Levitikɔs 4:28 - EBƆRƐ BE KAWƆL

²⁸ Nɛ e baŋ pin kulubi nɛ e wora na be asheŋ, e beeŋ ta kaboeche nɛ k maŋ kɔ ndulgi kikɛ n lara kulubi nɛ e wora na be sarga.

Levitikɔs 4:28 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Nshɛ 90:8

Fo alɛ nyi anyi be alubi kikɛ be asheŋ; hale amo nɛ an ŋana n wora ashiri to gba.

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Jɛremaya 31:22

Saŋɛ mo nɛ menyeeŋ chɛrga a ji kashenteŋ? Kachako meeŋ shin nɛ asheŋ e baa kɔr to, kumo e la fanɛ eche ka beeŋ baa kuŋ enyɛn.”

Levitikɔs 4:14

B baŋ pin kulubi na be asheŋ, a daga fanɛ b ta gbolu fɔlbi n lara kulubi be sarga. Baaŋ bar gbolu na wajɛbu na to ashi Enyɛnpe Ebɔrɛ na be anishito.

Levitikɔs 4:23

E baŋ pin kulubi na be asheŋ, e beeŋ ta kaboenyɛnso nɛ k maŋ kɔ ndulgi kikɛ n lara sarga.

Levitikɔs 4:3

Nɛ fanɛ Bɔrɛmatapo Nimuso e wora kulubi nɛ k suse basa na kikɛ, e beeŋ bar gbolu fɔlbi nɛ e maŋ kɔ ndulgi kikɛ kumo so m ba lara sarga n sa Enyɛnpe Ebɔrɛ na ŋkpal mbe kulubi na so.

Levitikɔs 4:32

Nɛ fanɛ esa lara kubolpɔ nna fanɛ kulubi be sarga be kusɔbɔya, a daga k baa la kubolpɔche nɛ k maŋ kɔ ndulgi kikɛ.

Levitikɔs 5:6

nseŋ bar kubolpɔ cheso ŋko kaboeche Enyɛnpe Ebɔrɛ na be anishito m ba lara kulubi be sarga. Bɔrɛmatapo na e naaŋ yili esa na be katelamu to n lara sarga na.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.