Levitikɔs 4:13 - EBƆRƐ BE KAWƆL

¹³ Nɛ fanɛ Israɛl be efuli na kikɛ e maŋ kute n wora kulubi n da Enyɛnpe Ebɔrɛ na be kusɔ nɛ e yili so gba, k kraa la kulubi nna nɛ b wora n jija ŋkpal kumo so.

Levitikɔs 4:13 ပူးပေါင်းရင်းမြစ်များ

Ɛzra 10:19

Bumo kikɛ daŋ nase nnɔ nna fanɛ baaŋ yige eyiri pɔtɛ nɛ b kɔ a kil na. Kumo be kaman nɛ bumo be ekama na ta kpakpa n lara sarga ŋ kule alubi be ketampaŋ.

Nshɛ 19:13

Nseŋ pete ma ashi alubi be kekute n wora to. Sa maŋ shin nɛ loŋ be alubi e pɔɔ ma so. Saŋɛ na so ma nfɛra maaŋ ji m bri ma nɛ n ji n lar alubi to.

Ezikɛl 45:22

Ewura na beeŋ mɔ gbolu n lara mo gbagba nɛ basa na kikɛ be alubi be sarga kejigboŋ na be kachɛ sososo na.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Levitikɔs 16:5

Israɛl be basa na kikɛ beeŋ sa Ɛɛrɔn mboenyɛn anyɔ nɛ e ta n lara kulubi be sarga nseŋ sa mo kpakpa malɛ nɛ e ta n lara sarga chɔɔso.

Levitikɔs 4:21

Ade kikɛ be kaman nɛ e ta gbolu na n lar keeyi na be ekarso n ya chɔɔ fanɛ kananɛ e chɔɔ gbolu nɛ e ta n lara mo gbagba be kulubi be sarga na. Sarga nɛ k beeŋ lara efuli na kikɛ be basa be kulubi ashi bumo so nna na.

Levitikɔs 5:17

Nɛ esa maŋ nyi nseŋ wora n da Enyɛnpe Ebɔrɛ na be mbraana nɛ e yili na be kekama so, e wora kulubi nna na nseŋ daga fanɛ e lara kumo be sarga.

Levitikɔs 6:4

e tɔr ntaŋ nna na. A daga fanɛ kachɛ nɛ e bee lara kewora n jija be sarga na, e bɛta kusɔ nɛ e yuri ŋko m puni ŋko m bante na,

Nɔmbɛs 15:22

Ama nɛ fanɛ men maŋ kute n wora n da mbra nɛ Enyɛnpe Ebɔrɛ ta n sa Mosis na be kekama so,

1 Kɔrintebi 11:27

Amoso, ekama nɛ e we Enyɛnpe be bodobodo na nseŋ nuu asɔrso be asɔnuuso na ekpa nɛ k maŋ daga so, wora alubi nna ŋ gbiti Enyɛnpe be eyur nɛ mbe ŋklaŋ na nna na.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

Joshuwa 7:11

Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.