Levitikɔs 3:9 - EBƆRƐ BE KAWƆL

⁹ Kumo be kaman nɛ sargawura na e lara kusɔbɔya na be nfɔ nɛ kpandu nɛ b ku m mata ketetowibi na kikɛ nɛ nfɔ nɛ e mar apuntosɔ na so na kikɛ

Levitikɔs 3:9 ပူးပေါင်းရင်းမြစ်များ

2 Samuɛl 6:17

Ndoŋ nna nɛ b ta deka na m ba yili wajɛbu nɛ Deevid lɔŋɛ na to. Nɛ e ta asɔbɔya n lara sarga nseŋ chɔɔ amo bɔrɛsure na so n sa Enyɛnpe Ebɔrɛ.

1 Bewura 3:15

Ewura Sɔlɔmɔn ka tiŋi edi to nɛ e pin fanɛ Ebɔrɛ e daŋ malga mo kutɔ edare to. Ndoŋ nna nɛ e yɔ Jerusalɛm n ya yili Enyɛnpe Ebɔrɛ be ŋkre be deka na be anishito n lara sarga chɔɔso nɛ kɔnɔkoŋwuleso be sarga n sa Enyɛnpe Ebɔrɛ. Kumo be kaman nɛ e wora kejigboŋ n sa mbe benimuana.

1 Bewura 8:63

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be esarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

1 Bewura 8:64

Ewura Sɔlɔmɔn daŋ ta kelɔnɛ na be nferinto a mata bɔrɛlambu na be anishito ase na nna m bɔɔ Ebɔrɛ enɔ nseŋ lara sarga chɔɔso nɛ kɔnɔkoŋwuleso be sarga be asɔbɔya be nfɔ nɛ ajibi nɛ asɔnuuso be sarga. E daŋ wora loŋ nna ŋkpal danyaŋ be bɔrɛsure nɛ e daŋ pɔr bɔrɛlambu na be anishito na ka daa maŋ shibi ga nɛ b baa lara esarga na kikɛ kumo so so.

1 Kronikɛls 16:1

B daŋ ta ŋkre be deka na nna n ya yili wajɛbu nɛ Deevid yuu ŋkpal kumo so na to, nseŋ lara esarga chɔɔso nɛ kɔnɔkoŋwuleso be esarga n sa Ebɔrɛ.

Ɛksodɔs 29:22

Ŋkpal kpakpa ere ka la keta m bɔɔ Ebɔrɛ enɔ be kewora be kusɔbɔya na so, men lara kumo be kpandu nɛ k kɔ nfɔ nɛ apuntosɔ be nfɔ nɛ kegberche na be kaseto be kaba nɛ achɛbi anyɔ na nɛ amo be nfɔ nɛ kumo be jisa be kebɛaŋ

Aŋasa 23:26

M pibi baa kaŋ kusoe a nu ma mmalga, nsaa wora ma asheŋ woraso.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Levitikɔs 17:5

Mbra ere ba nna nɛ k shin nɛ Israɛlebi e baa bar bumo be asɔbɔya nɛ baa mɔ a lara esarga mboŋ pɔtɛ na, Enyɛnpe Ebɔrɛ na kutɔ. Naniere bɔrɛmatapoana na kutɔ ashi wajɛbu na be kabuna to nɛ baaŋ baa bar amo m ba kaa mɔ amo a lara kɔnɔkoŋwule be esarga.

Levitikɔs 7:3

Baaŋ lara kusɔbɔya na be nfɔ kikɛ, amo nɛ a wɔ kpandu nɛ apuntosɔ na,

Levitikɔs 8:25

Ade kikɛ be kaman nɛ e ta nfɔ na nɛ kpandu na nɛ apuntosɔ be nfɔ nɛ kegberche na be alela ekpa nɛ achɛbi anyɔ na nɛ amo be nfɔ kikɛ nɛ jiso be kebɛaŋ na

Levitikɔs 9:19

Kumo be kaman nɛ Ɛɛrɔn ta eblaŋ be nfɔ ekpa fanɛ kpandu na nɛ apuntosɔ nɛ achɛbi nɛ agbirche na be alela akpa kikɛ

1 Samuɛl 10:8

Juŋkpar ma a yɔ Gilgaal nɛ m ba tu fo ndoŋ n lara sarga chɔɔso nɛ kɔnɔkoŋwuleso be esarga. Ya jo ma ndoŋ bɔkwe nɛ m ba kaŋɛ fo kusɔ nɛ feeŋ wora.