Levitikɔs 3:17 - EBƆRƐ BE KAWƆL

¹⁷ Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Levitikɔs 3:17 ပူးပေါင်းရင်းမြစ်များ

Jɛnesis 9:4

Ama men sa maŋ kaŋ we eblaŋ kama nɛ kumo be ŋklaŋ maŋ lar kumo to, ŋkpal manɛ so, ŋklaŋ na to nɛ ŋkpa wɔ.

2 Kronikɛls 29:35

Kechɔɔ m mur be sarga na be buushi, bɔrɛmatapoana na be kushuŋ e daŋ naa la kebaachɔɔ sarga nɛ basa kɔ ekpa nɛ b ji na be nfɔ, nɛ kebaachulgi asɔnuuso nɛ a ti sarga chɔɔso so na a wurge bɔrɛsure na so. Amoso b daŋ naŋ fara kabɔrɛshuŋ nna ashi bɔrɛlambu to

Nehemaya 8:10

Kumo be kaman nɛ Nehemaya kaŋɛ basa na: “Naniere men yɔ epe n ya wora kejigboŋ n ji menyi be nnɔ nseŋ ku ajibi na be ako n sa bumo nɛ b maŋ kɔ shɛŋ nɛ b ji na. Kabre la kachɛ cheembi nna n sa Enyɛnpe anyi be Ebɔrɛ na. Amoso men sa maŋ shin nɛ men be ŋgbene a baa jija menyi. Enyɛnpe Ebɔrɛ beeŋ sa menyi kagbenefuli nɛ k beeŋ sa menyi eleŋ.”

Ɛksodɔs 27:21

Ɛɛrɔn nɛ mbe mbinyɛnso e daga fanɛ b baa chɔɔ efitila na so a yili patisa nɛ k kuŋ kɔnɔkoŋwule be ŋkre be deka na be anishito na. B baa chɔɔ efitila na so kaaseso kikɛ nɛ a baa fuli to ma, Enyɛnpe Ebɔrɛ be wajɛbu na to a klade. A daga fanɛ Israɛlebi nɛ bumo be kaman to ebi kikɛ e baa bɛ mbra ere so mbaanaayɔ.

Ɛksodɔs 28:43

A daga fanɛ Ɛɛrɔn nɛ mbe mbinyɛnso na e baa wɔtɔ loŋ be ewondoŋshiimbi ere saŋkama nɛ baa luri Enyɛnpe be wajɛbu na to ŋko saŋkama nɛ baa ba bɔrɛsure na ase nɛ b ba shuŋ ma ashi kakpa cheembi na to, saŋɛ na so b maaŋ wu ŋkpal b ka na kayurkpaŋ so. Le be mbra ere beeŋ baa dese n sa Ɛɛrɔn nɛ mbe kaman to ebi hale mbaanaayɔ.

Ezikɛl 33:25

To, kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Menyee we eblaŋ nɛ ŋklaŋ kra wɔ amo to. Menyee shuŋ agbirana nsaa mɔ basa. Nɛ mannɛ so nɛ menyee fɛ fanɛ kasawule na ki menyeya nna?

Ezikɛl 44:15

Kumo be kaman, nɛ Enyɛnpetale Ebɔrɛ na kaŋɛ le: “Livai be yiri to be bɔrɛmatapoana nɛ b shi kanyɛn nɛ baa tre Zadɔk na be kabuna na bre daŋ maŋ kini ma kushuŋ bɔrɛlambu na to nseŋ ya shuŋ agbirana jemanɛ nɛ Israɛl be basa na daŋ kini ma na. Amoso bumo e naŋ tiŋ m ba ma anishi to m ba shuŋ ma fanɛ bɔrɛmatapoana nseŋ ta asɔbɔya be nfɔ nɛ ŋklaŋ n lara esarga.

Ezikɛl 44:7

B wora eyurpisheŋ n jija ma bɔrɛlambu ŋkpal b ka shin nɛ befɔ nɛ b maa ŋana Ebɔrɛ luri kumo to jemanɛ nɛ baa lara esarga a sa ma na so. Amoso, ma basa wora kulubi nseŋ da ma nɛ bumo be kɔnɔkoŋwule be ŋkre na so.

Levitikɔs 10:15

Baaŋ ta kagbene na nɛ kebɛaŋ na n ti nfɔana na so m ba jemanɛ nɛ b kɔ amo a ba nɛ b ba lara sarga n sa Enyɛnpe Ebɔrɛ na. Le be ejikpaana ere la menyi nɛ men be mbia peya nna hale mbaanaayɔ, fanɛ kananɛ Enyɛnpe Ebɔrɛ na yili kumo na.”

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Levitikɔs 16:29

Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 16:34

Mbraana ere wɔtɔ nna mbaanaayɔ nɛ b baa bɛ amo so jemanɛ kikɛ. Alubi be keyigempaŋ be sarga ere daga kelara kela koŋwule kafɛ kikɛ nna nɛ Israɛlebi na e baa nya bumo be alubi be ketampaŋ.” Ndoŋ nna nɛ Mosis wora kusɔ nɛ Enyɛnpe Ebɔrɛ na kaŋɛ mo na kikɛ.

Levitikɔs 17:7

Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Levitikɔs 19:26

Men sa maŋ kaŋ ji eblaŋ nɛ ŋklaŋ kraa wɔ kumo to. Men sa maŋ kaa kpal ŋko a wora kegbaya be asheŋ kikɛ.

Levitikɔs 23:14

Men sa maŋ kaŋ ji ajibi popɔr na kebumbuŋ to ŋko atɔso ŋko n ta amo n wora bodobodo n we, ama men juŋkpar m bar amo m ba lara sarga n sa Ebɔrɛ na nna pɔɛŋ. Kede la mbra nna a dese n sa menyi nɛ men be mbia ashi kaplɛkama nɛ men wɔ mbaanaayɔ.

Levitikɔs 23:21

Men sa maŋ kaŋ shuŋ kushuŋ kikɛ loŋ be kachɛ na, ama keshɛr m bunyaŋ Enyɛnpe Ebɔrɛ na nawule. Kaplɛkama nɛ men wɔ, a daga fanɛ men be kaman to ebi ka bee bɛ mbraana ere so hale mbaanaayɔ.

Levitikɔs 24:3

Kaase so kikɛ Ɛɛrɔn beeŋ chɔɔ efitila na so n yili patisa nɛ k bee kuŋ kɔnɔkoŋwule be ŋkre be deka nɛ k yil acheembiana to be kakpa cheembi na be anishito ashi wajɛbu na to hale nɛ kare e ya chɛ kachipurso. Kede la mbra nɛ k dese nna hale mbaanaayɔ, k maa chɛrga kikɛ.

Levitikɔs 24:9

Ebodobodo na la Ɛɛrɔn nɛ mbe kaman to ebi be kachige nna. Ŋkpal a ka la asɔ cheembi ashi esargajibi nɛ baa lara a sa Enyɛnpe Ebɔrɛ na so, a daga fanɛ b baa ji amo kaboŋ cheembi nna.”

Levitikɔs 3:16

Bɔrɛmatapo na beeŋ chɔɔ amo kikɛ bɔrɛsure na so fanɛ ajibi be sarga nɛ k bee par Enyɛnpe Ebɔrɛ na. Nfɔ na kikɛ la Enyɛnpe Ebɔrɛ na peya nna.

Levitikɔs 4:1

Ndoŋ nna nɛ Enyɛnpe Ebɔrɛ na naŋ kaŋɛ Mosis le:

Levitikɔs 6:15

Kumo be kaman nɛ bɔrɛmatapo na e jɔ nyifu nɛ b ta ɔlif be ŋku m baga na enɔ be bɔlɔ nseŋ ta duwu n ti so n chɔɔ bɔrɛsure na so shɛda so a ŋini fanɛ amo kikɛ la sarga nɛ amo be efɛa bee par Enyɛnpe Ebɔrɛ na nna.

Levitikɔs 6:18

Ɛɛrɔn be kanaŋ to be benyɛn e naaŋ tiŋ n ji loŋ be ajibi na, ŋkpal manɛ so, a la bumo nɛ bumo be kenana be kachige nna ashi Enyɛnpe Ebɔrɛ na be ayu be sargajibi kama nɛ baa lara a sa mo to. Esa cheembi nawule e daga kebeta loŋ be ajibi na.”

Levitikɔs 6:22

Yili jemanɛ ere a yɔ ekama nɛ e beeŋ shi Ɛɛrɔn be kanaŋ to m ba ki Bɔrɛmatapo Nimuso daga e ka lara sarga ere nna. A daga fanɛ b chɔɔ sarga na kikɛ nyam nna n sa Enyɛnpe Ebɔrɛ na.

Levitikɔs 7:23

fanɛ e kaŋɛ Israɛlebi na: “Men sa maŋ kaŋ ji kena ŋko kubolpɔ ŋko mboe be nfɔ kikɛ.

Levitikɔs 7:34

Kusɔbɔya na be kagbene la kakɛgboŋ nna nɛ kumo be jisoso be kebɛaŋ na malɛ la kachige nɛ Enyɛnpe Ebɔrɛ na bee sɔ Israɛlebi na kutɔ a sa bɔrɛmatapoana na.”

Levitikɔs 7:36

Kachɛ nɛ b lara bumo n yili fanɛ bɔrɛmatapoana na nɛ Enyɛnpe Ebɔrɛ na yili kumo fanɛ Israɛlebi na e baa sa bumo amo nɛ a baa la bumo be kachige mbaanaayɔ.

Nɔmbɛs 19:21

Mbra ere maaŋ chɛrga kikɛ. Ekama nɛ e bee ŋmenyaŋ nchu na a fɔr basa so daŋkare be ekpa so gba, daga e fɔr mbe epiŋi. Ekama nɛ e beta nchu na malɛ beeŋ wora eyurpi daŋkare be ekpa so n ya fo kaaseso.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Ditɛronɔmi 12:16

Ama a maŋ daga fanɛ men ji amo be ŋklaŋ bre. A daga fanɛ men baa chulgi ŋklaŋ na a wurge kasawule nna fanɛ nchu.

Ditɛronɔmi 12:23

Ama men sa maŋ kaa ji eblaŋ nɛ ŋklaŋ wɔ kumo to, ŋkpal manɛ so, kusɔbɔya na be ŋkpa wɔ ŋklaŋ na to nna nɛ a maŋ daga men baa ji eblaŋ na nɛ ŋkpa wɔ kumo to.

Ditɛronɔmi 12:24

Men sa maŋ kaa ta ŋklaŋ na fanɛ ajibi a ji amo, ama men baa chulgi amo a wurge kasawule fanɛ nchu.

Ditɛronɔmi 15:23

Ama men sa maŋ kaa ji amo be ŋklaŋ bre. A daga fanɛ men chulgi amo n wurge kasawule.

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.

1 Timoti 4:4

Ŋkpal manɛ so, kusɔ kama nɛ Ebɔrɛ to walɛ nna, amoso, a maŋ daga basa ka kini kumo. A daga fanɛ basa ka sɔ kumo kabɔrɛkule so nɛ enɔ anyɔ.