Levitikɔs 3:11 - EBƆRƐ BE KAWƆL

¹¹ bɔrɛmatapoana na be eko nɛ e chɔɔ amo kikɛ bɔrɛsure na so n lara ajibi be sarga n sa Enyɛnpe Ebɔrɛ na.

Levitikɔs 3:11 ပူးပေါင်းရင်းမြစ်များ

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Ezikɛl 44:7

B wora eyurpisheŋ n jija ma bɔrɛlambu ŋkpal b ka shin nɛ befɔ nɛ b maa ŋana Ebɔrɛ luri kumo to jemanɛ nɛ baa lara esarga a sa ma na so. Amoso, ma basa wora kulubi nseŋ da ma nɛ bumo be kɔnɔkoŋwule be ŋkre na so.

Levitikɔs 21:17

e kaŋɛ Ɛɛrɔn le: “Baŋ yili kenana ko n ya fo kenana ko, fo kaman to ebi to be esa kikɛ nɛ e dulgi, maaŋ daga fanɛ e lara ayu be sargajibi n sa ma kikɛ.

Levitikɔs 21:6

A daga fanɛ e baa du cheembi nna nsaa maa ŋaba ma ketre. Ŋkpal e ka la esa nɛ e bee ta ayu be sargajibi m ba kaa sa ma, Enyɛnpe Ebɔrɛ na so, a daga fanɛ e baa du cheembi.

Levitikɔs 21:8

A daga basa na ka wu bɔrɛmatapo na fanɛ esa cheembi, ŋkpal e kaa bee ta ayu be sargajibi m ba kaa sa ma so. Ma e la Enyɛnpe Ebɔrɛ na. N du cheembi nna, ma alɛ bee sha fanɛ ma basa e baa du cheembi nna.

Levitikɔs 22:25

Men sa maŋ kaŋ sɔ efɔ be kusɔbɔya kikɛ n lara ajibi be sarga n sa men be Ebɔrɛ. M maaŋ sɔ amo, ŋkpal manɛ so, loŋ be asɔbɔya na maŋ kɔr asɔbɔya nɛ e kɔ ndulgi to.”

Levitikɔs 3:16

Bɔrɛmatapo na beeŋ chɔɔ amo kikɛ bɔrɛsure na so fanɛ ajibi be sarga nɛ k bee par Enyɛnpe Ebɔrɛ na. Nfɔ na kikɛ la Enyɛnpe Ebɔrɛ na peya nna.

Levitikɔs 3:5

Bɔrɛmatapoana na be beko beeŋ ta kusɔbɔya na be nfɔ na n ti ayu be sargajibi na so n chɔɔ bɔrɛsure na so nɛ k baa la sarga nɛ kumo be efɛa bee par Enyɛnpe Ebɔrɛ na nna.

Malakai 1:12

Ama menyi ere jija ma ketre nna ŋkpal men ka maa tre ma bɔrɛsure na shɛŋ nsaa ta ajibi nɛ men maa sha gba a lara sarga a deŋi kumo so so.

Malakai 1:7

Ŋkpal men ka ta ajibi nɛ a maŋ daga keta n lara sarga n deŋi ma bɔrɛsure so so. Kede be kaman nɛ men bishi: ‘Ekpa mo so nɛ an maŋ sa fo bunyaŋ?’ Men ka maŋ keni ma bɔrɛsure m bɔlɔ kenishi so.

Nɔmbɛs 28:2

fanɛ e kaŋɛ Israɛlebi na kenishipereso nɛ b baa ta bumo be ajibi be esarga nɛ amo be efɛa bee wora Enyɛnpe Ebɔrɛ ebel ga na m ba ka sa Ebɔrɛ saŋɛ nɛ k daga.

Nɔmbɛs 28:24

Loŋ koŋwule na e daga fanɛ b lara ajibi nɛ amo be efɛa wɔ ebel be sarga n sa Enyɛnpe Ebɔrɛ nchɛ ashunu nɛ a bɛ abar so na gba.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

Kelaraŋŋini 3:20

Men nu nfe, n yil kabuna to nna a ŋmɛa, ekama nɛ e nu ma ebɔl nseŋ bugi kabuna n sa ma, meeŋ luri mo kutɔ n tu mo n ji nɛ mo alɛ gba e tu ma n ji.