Levitikɔs 27:9 - EBƆRƐ BE KAWƆL

⁹ Nɛ esa lara kusɔbɔya nɛ k walɛ keta n lara sarga n sa Enyɛnpe Ebɔrɛ na n yili fanɛ e beeŋ ta n tia kɔnɔ, loŋ be kusɔbɔya na ki kusɔbɔya cheembi nna na.

Levitikɔs 27:9 ပူးပေါင်းရင်းမြစ်များ

Aŋasa 20:25

Fɛ nfɛra nɛnɛ pɔɛŋ nseŋ nase kɔnɔ n sa Ebɔrɛ. Nɛ fo baŋ maŋ tiŋ n wora m bɔlɔ fo kɔnɔ naseso so, k maŋ walɛ.

Kaŋinichiŋgeliŋ 5:6

Sa maŋ shin nɛ fo kɔnɔ to be mmalga e shin nɛ fo wora kulubi, saŋɛ na so fo maaŋ yɔ Ebɔrɛ be bɔrɛmatapo kutɔ n ya kaŋɛ mo fanɛ fo daa pɛl nna. Manɛ nna nɛ fee wɔtɔ Ebɔrɛ agbo to? Manɛ nna nɛ fo shin nɛ Ebɔrɛ jija kusɔ nɛ fo gben n nya na ŋkpal fo kamalga so?

Ezikɛl 48:14

Kasawule na be kakpa nɛ k la Enyɛnpe Ebɔrɛ peya na e naŋ baa la kasawule na kikɛ be kakpa lela ga nɛ a maŋ daga fanɛ b ku kumo be kaba kama n fa ŋko n chɛr kusɔ ko ŋko n sa esa kikɛ. Ŋkpal manɛ so, k la kakpa cheembi nna nsaa la Enyɛnpe Ebɔrɛ na peya.

Levitikɔs 27:10

A maŋ daga esa na ka naŋ ta kusɔbɔya pɔtɛ n tal kumo to. E baaŋ wora loŋ, asɔbɔya anyɔ na kikɛ beeŋ ki Enyɛnpe Ebɔrɛ na peya.

Levitikɔs 27:8

Nɛ esa nɛ e nase kɔnɔ na la etirpo nna nsaa maaŋ tiŋ ŋ ka kukɔ nɛ k dese na n tia kɔnɔ naseso na, bɔrɛmatapo na beeŋ ku kukɔ na so kananɛ amodoŋwura beeŋ tiŋ ŋ ka.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Matiu 15:5

Ama menyee ŋini fanɛ nɛ esa kɔ kusɔ ko nɛ e beeŋ tiŋ n ta n chɛ mo tuto ŋko mo nio to nseŋ kaŋɛ le: ‘Ebɔrɛ e wɔ,’ kumo ere e kɔ ekpa nɛ e tiŋ ŋ kini kebunyaŋ mo tuto nɛ mo nio.