Levitikɔs 27:25 - EBƆRƐ BE KAWƆL

²⁵ Bɔrɛmatapo na e naŋ yili kusɔ kama be yawu ashi wajɛbu na to.

Levitikɔs 27:25 ပူးပေါင်းရင်းမြစ်များ

Ɛksodɔs 30:13

Ekama nɛ e ti basa nɛ baa karga na so daga fanɛ e ka amansherbi fanɛ kananɛ baa ka lampo ashi Enyɛnpe Ebɔrɛ be wajɛbu na to na.

Ɛksodɔs 38:24

Shuwa nɛ basa daŋ sa fanɛ b shuŋ Ebɔrɛ be wajɛbu na be kushuŋ na be egbɛ daa la kilo kagboŋ nna.

Ezikɛl 45:12

Kusɔ nɛ menyeeŋ baa ta asɔ be egbɛ a ber e la kadɛrbi. Kadɛrbi koŋwule malɛ la fanɛ kilo be bargato malɛ be bargato malɛ be bargato nna.

Levitikɔs 27:24

Kelaŋɛ n sa be Kafɛ na to nɛ baaŋ naŋ bɛta kasawule na n sa esa nɛ e daa wɔ kumo pɔɛŋ nɛ esa na tɔ kumo na ŋko mbe kaman to ebi.

Levitikɔs 27:3

Nɛ e la enyɛn nseŋ ji fanɛ nfɛ adunyɔ n ya fo nfɛ adeshe mbe kukɔ la gbiti be ndarbi adunu nna, nɛ eche kpar malɛ peya la gbiti be ndarbi adesa. Enyɛn fɔlbi nɛ e ji fanɛ nfɛ anu n ya fo nfɛ adunyɔ malɛ peya la gbiti be ndarbi adunyɔ nna. Eche fɔlbi malɛ peya la gbiti be ndarbi kudu nna, nɛ kebibi nyɛnso nɛ e maŋ naŋ fo nfɛ anu malɛ peya la gbiti be ndarbi anu. Kebibi nɛ e maŋ naŋ fo nfɛ anu peya la gbiti be ndarbi asa nna. Enyɛn kpar nɛ e fo nfɛ adeshe m baŋ so be kumu so be kukɔ la gbiti be ndarbi kuduanu nna, nɛ eche kpar nɛ e fo nfɛ adeshe m baŋ so malɛ peya la gbiti be ndarbi kudu.

Levitikɔs 5:15

“Nɛ esa maŋ ka asɔ cheembi nɛ a daga e ka n sa Enyɛnpe Ebɔrɛ na ŋkpal e ka maŋ nyi so, e wora n da so nna na. Amodoŋwura beeŋ bar kpakpa nɛ k maŋ kɔ ndulgi kikɛ ŋko bɔrɛmatapo na beeŋ ku kukɔ n sa mo nɛ e ka nɛ b ta n tɔ kakpa na.

Nɔmbɛs 18:16

Enyɛnpe be wajɛbu to be kananɛ baa karga amansherbi na be gbiti be ndarbi anu e daga fanɛ b ka n tɔ mbia nɛ b ji afɔl koko.

Nɔmbɛs 3:47

Shin nɛ b tɔ bumo be ekama gbiti be ndarbi anu fanɛ kananɛ baa karga amansherbi wajɛbu na to na.