Levitikɔs 27:24 - EBƆRƐ BE KAWƆL

²⁴ Kelaŋɛ n sa be Kafɛ na to nɛ baaŋ naŋ bɛta kasawule na n sa esa nɛ e daa wɔ kumo pɔɛŋ nɛ esa na tɔ kumo na ŋko mbe kaman to ebi.

Levitikɔs 27:24 ပူးပေါင်းရင်းမြစ်များ

Levitikɔs 25:13

Kapetɛsɔ kama nɛ eko tɔ mo barkasa kutɔ nfɛ adena nɛ akpanu nɛ a choŋ na to na daga fanɛ e bɛta kumo n sa kumo wura le be kafɛ na to.

Levitikɔs 25:28

Ama nɛ e maŋ kɔ amansherbi nɛ e naaŋ sɔ kumo n tɔ, k kraa beeŋ baa la esa nɛ e fa kumo n sa na peya nna hale nɛ Kelaŋɛ n sa be Kafɛ na e fo. Loŋ be kafɛ na to nɛ kasawule na beeŋ naŋ laŋɛ kumo wura gbagba be enɔ to.

Levitikɔs 27:20

Nɛ fanɛ esa nɛ e ta kasawule na n sa Enyɛnpe Ebɔrɛ na maŋ tɔ kumo nɛ esa pɔtɛ tɔ kumo, kumo ere e maŋ naa kɔ ekpa nɛ e bɛta n tɔ kumo n sa mbe kumu.

Levitikɔs 27:23

Bɔrɛmatapo na beeŋ yili nfɛ nɛ a ka nɛ b ji Kelaŋɛ n sa be Kafɛ na so n shin nɛ esa na e ka kumo be kukɔ loŋ be kachɛ na kikɛ. Ŋkpal manɛ so, amansherbi na la Enyɛnpe Ebɔrɛ na peya nna.

Levitikɔs 27:25

Bɔrɛmatapo na e naŋ yili kusɔ kama be yawu ashi wajɛbu na to.