Levitikɔs 27:22 - EBƆRƐ BE KAWƆL

²² Nɛ esa ta kasawule nɛ e tɔ n nase kɔnɔ n sa Enyɛnpe Ebɔrɛ na, k ki kusɔ cheembi nna na.

Levitikɔs 27:22 ပူးပေါင်းရင်းမြစ်များ

Levitikɔs 25:10

Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Levitikɔs 25:25

Nɛ ketir pɛ Israɛl be esa nɛ e bee sha nɛ e fa mbe kasawule, mo kurgepo gbagba e daga fanɛ e fa kasawule na n sa.

Levitikɔs 27:14

Nɛ esa ko ta mbe kowu n nase kɔnɔ n sa Enyɛnpe Ebɔrɛ na, k ki kusɔ cheembi nna na. Bɔrɛmatapo na beeŋ yili kumo be kananɛ k du so ŋ ku kumo be yawu. Yawu kama nɛ e beeŋ ku na e naaŋ baa la kumo be yawu gbagba.

Levitikɔs 27:21

Kelaŋɛ n sa be Kafɛ na malɛ baaŋ fo, loŋ be kasawule na beeŋ ki kusɔ cheembi a la Enyɛnpe Ebɔrɛ na peya mbaanaayɔ. Saŋɛ na so, k ki bɔrɛmatapoana na be kapetɛsawule nna na.

Levitikɔs 27:23

Bɔrɛmatapo na beeŋ yili nfɛ nɛ a ka nɛ b ji Kelaŋɛ n sa be Kafɛ na so n shin nɛ esa na e ka kumo be kukɔ loŋ be kachɛ na kikɛ. Ŋkpal manɛ so, amansherbi na la Enyɛnpe Ebɔrɛ na peya nna.