Levitikɔs 27:21 - EBƆRƐ BE KAWƆL

²¹ Kelaŋɛ n sa be Kafɛ na malɛ baaŋ fo, loŋ be kasawule na beeŋ ki kusɔ cheembi a la Enyɛnpe Ebɔrɛ na peya mbaanaayɔ. Saŋɛ na so, k ki bɔrɛmatapoana na be kapetɛsawule nna na.

Levitikɔs 27:21 ပူးပေါင်းရင်းမြစ်များ

Ɛzra 10:8

Nseŋ kaŋɛ fanɛ esa kama nɛ e kini keba nshɛr na to nchɛ asa be kefɛato, beeŋ paŋ mbe asɔ kikɛ. Kumo ba kaman nɛ an lara mo ashi anyi to nɛ e maaŋ naa la anyi to be eko.

Ezikɛl 44:29

Ayu be esarga nɛ kulubi be esarga nɛ kewora n jija be esarga kikɛ beeŋ baa la bɔrɛmatapoana be asɔ jiso nna. Kumo be kaman, kusɔ kama nɛ b kɛ ma ashi Israɛl to kikɛ gba la bumo peya nna.

Levitikɔs 25:10

Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Levitikɔs 25:28

Ama nɛ e maŋ kɔ amansherbi nɛ e naaŋ sɔ kumo n tɔ, k kraa beeŋ baa la esa nɛ e fa kumo n sa na peya nna hale nɛ Kelaŋɛ n sa be Kafɛ na e fo. Loŋ be kafɛ na to nɛ kasawule na beeŋ naŋ laŋɛ kumo wura gbagba be enɔ to.

Levitikɔs 25:31

Ama nwu nɛ a wɔ nde karso nɛ b maŋ pɔr egbal ŋ kulti amo na bre kraa du fanɛ adɔsawule nna. Esa nɛ e fa na kraa beeŋ tiŋ n laŋɛ n tɔ mbe kusɔ. Ama a daga fanɛ b naaŋ bɛta amo n sa amo wura Kelaŋɛ n sa be Kafɛ na to.

Levitikɔs 27:20

Nɛ fanɛ esa nɛ e ta kasawule na n sa Enyɛnpe Ebɔrɛ na maŋ tɔ kumo nɛ esa pɔtɛ tɔ kumo, kumo ere e maŋ naa kɔ ekpa nɛ e bɛta n tɔ kumo n sa mbe kumu.

Levitikɔs 27:22

Nɛ esa ta kasawule nɛ e tɔ n nase kɔnɔ n sa Enyɛnpe Ebɔrɛ na, k ki kusɔ cheembi nna na.

Nɔmbɛs 18:14

Kusɔ kama nɛ b lara n yili n sa ma ashi Israɛl be efuli so, la menyeya nna.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Joshuwa 6:17

Men mur kade na nɛ kusɔ kama nɛ k wɔ kumo to kikɛ nɛ kumo be loŋ e baa la sarga n sa Enyɛnpe Ebɔrɛ na. Sakaleche Reehab nɛ basa nɛ b wɔ mbe laŋ to nawule e naaŋ ji efute ŋkpal e ka daŋ ta basa nɛ an shuŋi fanɛ b ya dara kasawule na ŋ ŋana so.