Levitikɔs 27:17 - EBƆRƐ BE KAWƆL

¹⁷ Nɛ fanɛ b ka ji Kelaŋɛ n sa be Kafɛ na k maŋ chɛr nɛ esa nase kasawule na be kɔnɔ n sa Enyɛnpe Ebɔrɛ na, kumo ere kumo be yawu maaŋ ku so.

Levitikɔs 27:17 ပူးပေါင်းရင်းမြစ်များ

Levitikɔs 25:10

Menyeeŋ ta kafɛ adunusopo na fanɛ kafɛ nɛ efuli na so be ekama daga kenya mbe kamooji. Kafɛ na to nɛ basa be mpetɛsɔ kama nɛ beko sɔ n tɔ kikɛ beeŋ naŋ bɛta bumo ŋko bumo be kamanebi be enɔ to. Ekama malɛ nɛ b tɔ mo kenya beeŋ naŋ nya mbe kamooji m bɛta n yɔ mbe kanaŋ to be basa kutɔ.

Levitikɔs 25:11

Kafɛ adunusopo na la kamooji be jemanɛ nna n sa menyi, amoso men sa maŋ kaŋ duu shɛŋ men be adɔsawule so ŋko a teŋi asɔ nɛ amo gbagba kɔr na ŋko a chuge ndibi sɔrso nɛ men maŋ lɔŋɛ so na be asɔrso.

Levitikɔs 25:13

Kapetɛsɔ kama nɛ eko tɔ mo barkasa kutɔ nfɛ adena nɛ akpanu nɛ a choŋ na to na daga fanɛ e bɛta kumo n sa kumo wura le be kafɛ na to.

Levitikɔs 25:9

Nfɛ adena nɛ akpanu na to be kufɔl shunusopo na be kachɛ kudusopo na nɛ b foŋ kabel awɔrso efuli na kikɛ to. Alubi be Ketampaŋ be Kachɛ nna na.

Levitikɔs 27:14

Nɛ esa ko ta mbe kowu n nase kɔnɔ n sa Enyɛnpe Ebɔrɛ na, k ki kusɔ cheembi nna na. Bɔrɛmatapo na beeŋ yili kumo be kananɛ k du so ŋ ku kumo be yawu. Yawu kama nɛ e beeŋ ku na e naaŋ baa la kumo be yawu gbagba.

Levitikɔs 27:16

Nɛ esa ko ku mbe kanaŋ be kasawule be kaba n nase kɔnɔ n sa Enyɛnpe Ebɔrɛ na, k ki kusɔ cheembi nna na. Bɔrɛmatapo na beeŋ yili aduuso nɛ a beeŋ fo n duu kasawule na so nna ŋ ku kumo be yawu. Yawu na malɛ beeŋ baa la fanɛ ayu duuso kurwa adunyɔ kikɛ la gbiti be ndarbi kudu nna.

Levitikɔs 27:18

Ama nɛ fanɛ b ji Kelaŋɛ n sa be Kafɛ na n choŋ nɛ k wora kashiŋ pɔɛŋ nɛ e ta kasawule na n nase kɔnɔ bre, kumo ere bɔrɛmatapo na beeŋ karga nfɛ nɛ a ka nɛ b naŋ ji Kelaŋɛ n sa be Kafɛ na nna pɔɛŋ nseŋ ku kasawule na be yawu. Aloŋ bre kumo be yawu beeŋ ku so.