Levitikɔs 26:41 - EBƆRƐ BE KAWƆL

⁴¹ nɛ ma alɛ gba kilgi n tu bumo nseŋ shin nɛ b pɛ bumo anya n yɔ bumo doŋana be efuli so na. To, nɛ b chɛrga bumo be ŋgbene nseŋ fara a wora kusɔ nɛ k daga bre,

Levitikɔs 26:41 ပူးပေါင်းရင်းမြစ်များ

1 Bewura 21:29

“Fo gbagba ere wu kananɛ Ahab bar mbe kumu kaseto n sa ma nna na, amoso, m maaŋ shin nɛ jɛrbi e tu mo ama mo pibi be jemanɛ so nɛ meeŋ shin nɛ jɛrbi e ba mbe kanaŋ kikɛ so.”

2 Kronikɛls 12:12

Ŋkpal ewura Rehoboam ka naŋ bɛta m ba Enyɛnpe Ebɔrɛ kutɔ so, Enyɛnpe na be agbo daa maŋ mur mo cheche, nɛ asheŋ naŋ nyalɛ ashi Juda be efuli so.

2 Kronikɛls 32:26

Ade kikɛ be kaman nɛ ewura Hɛzekaya nɛ Jerusalɛm be basa na bar bumo be amu kaseto nseŋ kule Ebɔrɛ alubi be ketampaŋ nɛ Enyɛnpe Ebɔrɛ ta m paŋ bumo nseŋ maŋ naŋ gberge bumo kusoe n ya fo saŋɛ so nɛ Hɛzekaya wu pɔɛŋ.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

2 Kronikɛls 33:23

Ammɔn bre daa maŋ chɛrga mbe nfɛra m bar mbe kumu ase n sa Enyɛnpe Ebɔrɛ fanɛ kananɛ mo tuto daŋ wora na. Mo ere be kulubi gba daa chɔ mo tuto peya ga.

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Nehemaya 9:33

Fo kɔ ekpa nɛ fo tɔrɔ anyi ŋkpal fo kashenteŋ so, ama fo yige alubi nɛ an wora ere kikɛ m paŋ anyi.

Nshɛ 39:9

Fo e shin nɛ n ji le be awurfoŋ n shin nɛ n loto a maŋ bugi kɔnɔ ŋ kaŋɛ shɛŋ na.

Ɛksodɔs 10:3

Ndoŋ nna nɛ Mosis nɛ Ɛɛrɔn naŋ yɔ Fɛɛro kutɔ n ya kaŋɛ mo fanɛ Enyɛnpe Ebɔrɛ, Israɛlebi be Ebɔrɛ na yɛ: “Shin nɛ ma basa e yɔ, saŋɛ na so, baaŋ ya bunyaŋ ma.

Jɛremaya 4:4

Men ta menyi be ŋgbene kikɛ m bɛ ma, Enyɛnpe Ebɔrɛ na nɛ menyi be kɔnɔkoŋwule be ŋkre na so. Nɛ menyi Juda nɛ Jerusalɛm be basa maŋ wora loŋ, ma kanya agbo beeŋ suse so fanɛ edɛ ŋkpal asheŋ lubi nɛ men wora so, nɛ esa kama maaŋ tiŋ n duŋ kumo.”

Jɛremaya 6:10

Ndoŋ nna nɛ ŋ kaŋɛ le: “Ekama nɛ ŋ kpele mo kusoe gba maaŋ nu n sa ma. Bumo be asoe ka du kpakpa ga so, baa mushe kubɔya kama nɛ fo ta n sa fanɛ n sa bumo na nna nsaa kini kenu n sa kumo.

Ezikɛl 14:23

Ndoŋ nɛ feeŋ pin geeŋ fanɛ ŋ kɔ ekpa nɛ n wora kusɔ nɛ n wora na.” Ma, Enyɛnpetale Ebɔrɛ na e kaŋɛ na.

Ezikɛl 20:43

Ndoŋ nɛ menyeeŋ nyiŋi menyi be asheŋ wora so nɛ a shin nɛ men jija menyi be kebaawɔtɔ na, nɛ a shin nɛ menyi be asheŋ e baa nu menyi gbagba agbo ŋkpal asheŋ lubi nɛ men wora so.

Ezikɛl 44:7

B wora eyurpisheŋ n jija ma bɔrɛlambu ŋkpal b ka shin nɛ befɔ nɛ b maa ŋana Ebɔrɛ luri kumo to jemanɛ nɛ baa lara esarga a sa ma na so. Amoso, ma basa wora kulubi nseŋ da ma nɛ bumo be kɔnɔkoŋwule be ŋkre na so.

Ezikɛl 44:9

Amoso kusɔ nɛ ma, Enyɛnpetale Ebɔrɛ na, bee kaŋɛ e la fanɛ efɔ kama nɛ e maa ŋana Ebɔrɛ nsaa maa nu a sa ma maŋ daga keluri ma bɔrɛlambu to, hale efɔ nɛ e chena Israɛl be basa na to gba maŋ daga keluri kumo to.”

Ezikɛl 6:9

Saŋɛ na so, bumo nɛ baaŋ ji efute na beeŋ fɛ ma asheŋ nseŋ nyiŋi kananɛ b lar ma kaman nsaa shuŋ agbirana nseŋ ta nyɔmɔ m pɛ ma na ashi efuliana nɛ baaŋ tintiŋ bumo n yɔ na so. Ndoŋ nɛ bumo gbagba be asheŋ beeŋ baa nu bumo gbagba agbo ŋkpal bumo asheŋ lubi lubi nɛ b wora so

Levitikɔs 26:24

kumo ere meeŋ baa kraa la men doŋ nseŋ shin nɛ menyi be kasogberge a ti so ale shunu a chɔ dra na peya.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Nɔmbɛs 5:7

Amoso amodoŋwura daga fanɛ e bugi to ŋ kaŋɛ mbe kulubi nseŋ ka esa nɛ e wora n da so na be kusɔ kama nɛ e jija nɛ kumo kalfa to be adunyɔ so n ti so na n tal to.

Matiu 23:12

Ŋkpal manɛ so, ekama nɛ e bee maŋ mbe kumu so, Ebɔrɛ beeŋ bar mo kaseto, nɛ ekama nɛ e bee bar mbe kumu kaseto, Ebɔrɛ beeŋ maŋ mo so.”

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 30:6

Ade be kaman, Enyɛnpe menyi be Ebɔrɛ na beeŋ sa menyi nɛ men be kaman to ebi ŋgbene nɛ a kɔ kasonu; saŋɛ na so, menyeeŋ tiŋ n sha mo nɛ menyi be ŋgbene kikɛ nseŋ naŋ chena kasawule na so.

Ditɛronɔmi 31:21

Kumo be loŋ beeŋ shin nɛ kumu lubi gboŋgboŋi e ba bumo nɛ bumo be kaman to ebi so. Ama b kraa beeŋ baa boŋ kashɛ ere nɛ k baa ji shɛda a gbiti bumo. Pɔɛŋ nɛ meeŋ keta bumo n yɔ kasawule nɛ n nase kumo be kɔnɔ n sa bumo na gba so, n tea nyi kusɔ nɛ baa fɛ.”

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Kɔlɔsiebi 2:11

Ŋkpal menyi nɛ Yesu Kristo ka la kukoŋwule na so, e ku menyi be kebaawɔtɔ lubi ashi menyi so, ama mannɛ enɔ be kushuŋ nna fanɛ kananɛ baa ta enɔ a ku kututu ŋkpal eyurpi so na.