Levitikɔs 26:4 - EBƆRƐ BE KAWƆL

⁴ meeŋ shin nɛ bɔrɛ e baa ba menyi jemanɛ nɛ k daga, saŋɛ na so adɔjibi beeŋ baa wora nɛnɛ nɛ ndibi e baa sɔr nɛnɛ kasawule na so.

Levitikɔs 26:4 ပူးပေါင်းရင်းမြစ်များ

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

Job be kawɔl 5:10

Mo e naa shin nɛ bɔrɛ bee ba nɛ adɔsawule bee nya kayul.

Nshɛ 104:13

Fo e naa shin nɛ bɔrɛchu bee shi awɔlpa so a ba abee so nɛ kasawule bee nya kayul nɛnɛ.

Nshɛ 67:6

Anyi be Ebɔrɛ na nɛfa kasawule n shin nɛ k wora ajibi n sa anyi.

Nshɛ 67:7

Ebɔrɛ beeŋ nɛfa anyi, nɛ durnya to be basa kikɛ e bunyaŋ mo.

Nshɛ 68:9

Kasawule ka wɔl nɛ fo shin nɛ bɔrɛ ba nɛ kaboŋ wushi.

Nshɛ 85:12

Enyɛnpe Ebɔrɛ na beeŋ nɛfa anyi nɛ anyi be kasawule e wora adɔjibi nɛnɛ.

Nshɛ 85:13

Kebaawɔtɔ niŋiso beeŋ juŋkpar a lɔŋɛ akpa a sa Enyɛnpe Ebɔrɛ na nɛ e baa bɛ so.

Aizaaya 30:23

Ade be kaman, jemanɛ kikɛ nɛ men duu asɔ, Enyɛnpe Ebɔrɛ na beeŋ shin nɛ bɔrɛchu e ba nɛ a kɔr n daŋ nseŋ wora nɛnɛ nɛ men teŋi. Men be asɔbɔya malɛ gba beeŋ nya ejikpa damta a ji.

Aizaaya 5:6

Ma alɛ beeŋ yige amo nɛ amo to e wora afitiri ŋ ki kupuŋ. M maŋ naŋ lɔŋɛ ndibi na be ayabi so ŋko n ta kɔtɔkrɔ m buse amo to kikɛ. Meeŋ shin nɛ egɔnnyaŋɛ nɛ ewi e sɔ amo to. Ma alɛ beeŋ naŋ pɛ bɔrɛ nɛ k sa maŋ naŋ ba kudɔ na to kikɛ.”

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Ezikɛl 36:30

Ma alɛ beeŋ naŋ shin nɛ menyi be ndibi sɔrso nɛ adɔjibi e foo, saŋɛ na so menyi maaŋ naŋ ji anishinyɔr ashi efuliana na so ŋkpal akoŋ so.

Jowɛl 2:22

Kupuŋ to be asɔbɔya, e sa maŋ naa lɔ kufu naniere ŋkpal kusɔ nɛ menyeeŋ ji so. Afitiri nɛ afantaŋ kikɛ purge nna jiliim n sɔ kaplɛkama. Naniere ndibi bee sɔr asɔrso nna nɛ figi nɛ greep be asɔrso kikɛ chase.

Levitikɔs 25:19

Kasawule na beeŋ wora adɔjibi nɛnɛ nɛ fo nya asɔ nɛ fee sha kikɛ a ji yɛlyɛla nsaa wɔ kayurwushi to.

Levitikɔs 25:21

Ma, Enyɛnpe Ebɔrɛ na beeŋ nɛfa kasawule na kafɛ shesopo na to, saŋɛ na so adɔjibi nɛ a beeŋ wora na beeŋ tiŋ n ji menyi n fo nfɛ asa.

Zakareya 8:12

Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ditɛronɔmi 11:13

Amoso men baa wora mbraana nɛ n ta a sa menyi kabre ere kasonu. Men baa sha Enyɛnpe menyi be Ebɔrɛ na nsaa ta menyi be ŋgbene kikɛ a shuŋ mo.

Ditɛronɔmi 11:14

Nɛ menyee wora loŋ, e beeŋ shin nɛ bɔrɛ e ba jemanɛ nɛ k daga menyi be kasawule so, kumo e la fanɛ dɔchubɔrɛso nɛ kechalaso be bɔrɛ beeŋ ba nɛnɛ n sa menyi, saŋɛ na so menyeeŋ dɔ n nya ayu nɛ yabra belbelso nɛ ɔlif be ŋku nɛnɛ,

Ditɛronɔmi 28:12

Mo koŋwule na beeŋ bugi ebɔrɛso be mbuna n shin nɛ bɔrɛ e ba menyi jemanɛ nɛ k daga nseŋ nɛfa menyi be ashuŋ. Saŋɛ na so, efuli damtaana be basa beeŋ baa ba menyi kutɔ m ba ka paŋ menyi amansherbi ama menyi ere maaŋ yɔ efuli kikɛ so n ya paŋ shɛŋ.

Jeems 5:7

Ŋ kurgepoana, ŋkpal le so, men baa ji kanyiti a jo saŋɛ nɛ an Nyɛnpe beeŋ naŋ bɛta m ba na. An ta fanɛ edɔpo ŋ keni kananɛ e bee kaa ji kanyiti. E bee kaa jo nna le nɛ bɔrɛ e ba nɛ mbe asɔ e kɔr n daŋ n wora nɛ e teŋi amo be alela na.

Kelaraŋŋini 11:6

Basa anyɔ ere beeŋ baa kɔ eleŋ nɛ b tiŋ n shin nɛ bɔrɛ e sa maŋ shi awɔlpa so m ba, saŋɛ nɛ baaŋ baa wu abɔrɛsheŋ a kaŋɛ na kikɛ. Bumo alɛ nseŋ naa kɔ eleŋ nɛ b tiŋ n shin nɛ nchuana e ki ŋklaŋ nseŋ naŋ tiŋ n ta tɔrɔ be yiri kama saŋɛ damta kama nɛ baa sha n lɛ kasawule so.