Levitikɔs 26:37 - EBƆRƐ BE KAWƆL

³⁷ Menyeeŋ fiti abar n lar n tɔr jemanɛ nɛ esa kama maŋ ju a buu menyi so. Menyi maaŋ naŋ tiŋ ŋ kɔ edoŋ kikɛ.

Levitikɔs 26:37 ပူးပေါင်းရင်းမြစ်များ

Aizaaya 10:4

Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Jɛremaya 37:10

Hale nɛ men tiŋ ŋ kɔ m pɔɔ Babilɔn be benapo na kikɛ so gba, bumo be basa nɛ b doro a dese bumo be ewajɛbu to kraa beeŋ koso n chɔɔ kadegboŋ ere n lɛ.”

Jɛremaya 46:16

Menyi be esoji fiti abar nna n tɔr, nɛ eko kaŋɛ mo barkasa le: ‘Koso manaŋ nɛ an shile bedoŋ be tokobi m mɔlga anyi be amu nseŋ yɔ anyi be basa kutɔ epe!’ ”

Jɛremaya 6:21

Ŋkpal loŋ so, ma Enyɛnpe Ebɔrɛ na beeŋ shin nɛ basa ere e fiti n tɔr. Betuto nɛ benio nɛ bumo be bibi nɛ beteriana nɛ bechenashapoana kikɛ beeŋ wu ashi asheŋ nɛ e beeŋ ba bumo so na to.”

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Nahum 3:3

Egbaŋɛdiipo beeŋ nyaŋɛto a fili etokobi nɛ akpa to nɛ a baa nyɛkpɛ kaplɛkama. Basa damta beeŋ wu m biti abar so nɛ esa maaŋ tiŋ ŋ karga basa wuso na. Basa beeŋ baa fiti bubuni na a tɔr!

Nɔmbɛs 14:42

Enyɛnpe Ebɔrɛ na maŋ naa wɔ menyi kutɔ, amoso men sa maŋ yɔ nɛ men doŋana e ya pɔɔ menyi so.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.

1 Samuɛl 4:2

Kena na to nɛ Filistiebi na kɔ m pɔɔ Israɛlebi na so nseŋ mɔ Israɛlebi na be basa ŋgboŋ ana.